கிளந்தான்
இந்த ஆண்டு ஜூன் 30 நிலவரப்படி, நாட்டில் மொத்தம் 1,35,000 போதை பழக்கத்திற்கு உள்ளாகி பதிவாகியுள்ளதாக உள்துறை அமைச்சர் டத்தோ ஸ்ரீ சைஃபுடின் நசுத்தியோன் இஸ்மாயில் தெரிவித்தார். இந்த எண்ணிக்கை கவலைக்குரியது என அவர் குறிப்பிட்டு, அரசாங்கம் பல்வேறு நிறுவனங்களுடன் இணைந்து, நாட்டில் போதைக்கு அடிமையாகுபவர்களின் எண்ணிக்கையை குறைக்கும் நெறிமுறைகளை தொடர்ச்சியாக நடைமுறைப்படுத்திக் கொண்டுள்ளதாக அவர் கூறினார்.
“1,35,000 மது பழக்கவாளிகள் எனும் எண் மிகவும் கவலைக்குரியது. சுமார் 10 போதைப்பொருள் வழக்குகல் இருந்தால் கூட அதுவே ஆபத்தானது, ஆனால் நாம் எங்கு இருக்கிறோம். இது மனித திறனின் இழப்பை குறிக்கிறது. நமது முறை, முழுமையான தடுப்பு, மீட்பு மற்றும் சரியான செயல்முறைகள் மூலம் இந்த எண்ணிக்கையை குறைப்பதே” எங்கள் நோக்கமாகும் கூறினார்.
கிளந்தான் மாநிலத்தில் கெளலுவாங் கிராமத்தில் மடானி தத்தெடுக்கும் கிராமம் மற்றும் பள்ளி திட்டத்தை தொடங்கிய பின் செய்தியாளர்களிடம் அவர் இதை தெரிவித்தார்.
போதைப்பொருள் பிரச்சனையை நிவர்த்தி செய்வதில் AADK அதன் முக்கியமான பொறுப்புகளை நிறைவேற்றுவதை உள்துறை அமைச்சகம் மூலம் அரசாங்கம் தொடர்ந்து உறுதி செய்யும் என்றும், ஆண்டுதோறும் சுமார் RM400 மில்லியன் ஒதுக்கப்படும் என்றும் சைஃபுடின் மேலும் கூறினார்.
சுகாதார அமைச்சகம், புக்கிட் அமான் போதைப்பொருள் குற்றவியல் புலனாய்வுத் துறை, ஏஏடிகே மற்றும் போதைப்பொருள் அடிமையாதல் மறுவாழ்வு மையம் (புஸ்பன்) ஆகியவற்றின் பதிவுகளின்படி, கிளந்தானில் அதிக எண்ணிக்கையிலான போதைப்பொருள் துஷ்பிரயோக வழக்குகள் பதிவாகியுள்ளன, அதைத் தொடர்ந்து திரெங்கானு, பெர்லிஸ் மற்றும் கெடா ஆகியவை உள்ளன என்று அவர் கூறினார்.
இந்த நாலு மாநிலங்கள் தாய்லாந்து எல்லைகளுடன் இணைந்துள்ளதால், அதுவே அதிக மது பழக்கவாளிகள் இருப்பதற்கு முக்கிய காரணமாகும். இதில் சுமார் 60% மது பயன்படுத்தும் வழக்குகள் எக்ஸ்டசி மாத்திரைகள் மற்றும் ஷாபுவை சார்ந்தவை, பெரும்பாலானவர்கள் 15–35 வயதுக்குட்பட்டவர்கள் – நாட்டின் உற்பத்திச் சுறுசுறுப்பான வயது வரம்பில் உள்ளவர்கள். அவர்களால் வேலைவாய்ப்பு மற்றும் சமூகத்திற்கு செய்யக்கூடிய பங்களிப்பு இழக்கப்படுவதால், இதன் சமூக விளைவுகள் அதிகரிக்கின்றன என்றார் அவர்.
