சிப்பாங் | மார்ச் 16, 2026
கோலாலம்பூர் அனைத்துலக விமான நிலையத்தின் (KLIA) முனையங்களுக்கு இடையே பயணிகளை ஏற்றிச் சென்ற சட்டவிரோத டாக்ஸி (Taxi Tout) ஓட்டுநர் ஒருவரை சிலாங்கூர் சாலைப் போக்குவரத்துத் துறை (JPJ) அதிகாரிகள் கைது செய்துள்ளனர்.
நேற்று நடைபெற்ற இந்த அதிரடி சோதனையின் போது, அந்த ஓட்டுநரின் Perodua Alza ரக வாகனமும் பறிமுதல் செய்யப்பட்டது.
இந்த ஓட்டுநர், இந்தோனேசியப் பயணி ஒருவரை KLIA முனையம் 2-லிருந்து (Terminal 2) முனையம் 1-க்கு (Terminal 1) அழைத்துச் செல்ல RM80 கட்டணம் வசூலித்துள்ளார்.
இந்த இரண்டு முனையங்களுக்கு இடையிலான தூரம் வெறும் 5 கிலோமீட்டர் மட்டுமே என்பது குறிப்பிடத்தக்கது. வழக்கமான கட்டணத்தை விட இது பல மடங்கு அதிகமாகும்.
பிடிபட்ட ஓட்டுநர் மீது நிலப் பொதுப் போக்குவரத்துச் சட்டம் (Land Public Transport Act) கீழ் நடவடிக்கை எடுக்கப்பட்டுள்ளது: சட்டப்பிரிவு 205(1): இதன்படி குற்றவாளிக்கு RM50,000 வரை அபராதம் அல்லது 5 ஆண்டுகள் வரை சிறைத்தண்டனை, அல்லது இவை இரண்டும் விதிக்கப்படலாம்.
மேலும் சட்டப்பிரிவு 243(1): இதுபோன்ற சட்டவிரோதச் செயல்களுக்கு உடந்தையாக இருப்பவர்களுக்கும் கடும் தண்டனை உண்டு என அதிகாரிகள் எச்சரித்துள்ளனர்.
பொதுமக்கள் இதுபோன்ற அங்கீகரிக்கப்படாத டாக்ஸி சேவைகளைப் பயன்படுத்துவதைத் தவிர்க்குமாறு அதிகாரிகள் கேட்டுக் கொண்டுள்ளனர்.
