கோலாலம்பூர்: கடன் ஆலோசனை மற்றும் கடன் மேலாண்மை நிறுவனம் (ஏ.கே.பி.கே) நடத்திய ஆன்லைன் கருத்துக் கணிப்பின்படி 1,873 பதிலளித்தவர்களில் 88% அல்லது 1,648 பேர் பேங்க் நெகாரா அறிமுகப்படுத்திய தடைக்காலத்தின் கீழ் நிதி திருப்பிச் செலுத்துவதை நீட்டிக்க விரும்புகின்றனர். ஏ.கே.பி.கே நிதிக் கல்வித் துறை, தொகுதி மேம்பாட்டுப் பிரிவுத் தலைவர் நிர்மலா சுப்பிரமணியம் கூறுகையில் 788 பேரிடம் இதுகுறித்து கேட்டபோது அவர்களில் 48% அல்லது 378 பேர் அவசர கால நிதியை விரும்புவதாகக் கண்டறிந்தோம்.
சிலர் தினசரி அத்தியாவசியப் பொருட்களுக்காக செலவினத்தை குறைத்து வருகின்றனர். அவர்கள் பதிலளித்தவர்களில் 21% அல்லது 165 பேர்; முதலீட்டு நோக்கங்களுக்காக 16% (126), மேலும் கடன் வாங்குவதற்கு 11% (87) மற்றும் நான்கு விழுக்காடு (32) எந்தத் திட்டமும் இல்லை என்றனர்.
இருப்பினும், வாக்கெடுப்புகளின் முடிவு உண்மையான ஒட்டுமொத்த நிலைமையை பிரதிபலிக்கவில்லை. ஏனெனில் இது ஏ.கே.பி.கே ஃபேஸ்புக் மற்றும் ஏ.கே.பி.கே மைக்ரோசைட், #askAKP மூலம் ஏப்ரல் முதல் மே வரை ஆன்லைனில் நடத்தப்பட்ட ஒரு சீரற்ற கருத்துக் கணிப்பு என்று ருவாங் பிகாரா பேச்சில் விருந்தினராக தோன்றிய பின்னர் பெர்னாமாவிடம் கூறினார்.
இதற்கிடையில், அண்மையில் எம்.சி.ஓ காலத்தில் பணிபுரிபவர்களிடையே நிதி அழுத்த நிலை 35% அதிகரித்துள்ளது என்று ஏ.கே.பி.கே கணக்கெடுப்பில் கண்டறியப்பட்டதாக நிர்மலா கூறினார். எம்.சி.ஓ மற்றும் கோவிட் -19 தொற்றுநோய் முன்னோடியில்லாத வகையில் இருந்ததால், அவசரகால சேமிப்பு இருப்பதைப் பொறுத்தவரை பலர் தயாராக இல்லை என்பதால் இது நிகழ்ந்தது என்று அவர் கூறினார்.
