ஜோகூர் பாரு: ஜோகூர் பாரு மேயர் திட்டங்களுக்கு ஒப்புதல் அளிப்பதற்காக ஒப்பந்தக்காரர்களிடமிருந்து லஞ்சம் வாங்கிய குற்றச்சாட்டில் கைது செய்யப்பட்டார்.
மலேசிய ஊழல் தடுப்பு ஆணையத்தின் (MACC) இயக்குநர் டத்தோ அஸ்மி அலியாஸ் நேற்று (ஆகஸ்டு 10) மாலை 3 மணியளவில் ஜோகூர் MACC அலுவலகத்தில் வைத்து டத்தோ ஆடிப் அஸ்ஹரி தாவூத் (படம்) கைது செய்யப்பட்டதை உறுதி செய்தார்.
ஆதிப் அசாரி, பணி ஓய்வு பெறுவதற்கு சில வாரங்களே உள்ள நிலையில், இஸ்கந்தர் புடேரி நகர கவுன்சிலின் (MBIP) மேயராக இருந்தபோது, திட்டங்களுக்கு ஒப்புதல் அளிக்க ஒப்பந்ததாரர்களிடமிருந்து பணத்தை ஏற்றுக்கொண்டதாக விசாரணையில் தெரியவந்தது.
60 வயதான அவர் நவம்பர் 22, 2017 முதல் நவம்பர் 16, 2019 வரை MBIP மேயராக இருந்தார்.
MBIP நகர சபையாக தரம் உயர்த்தப்படுவதற்கு முன்பு, ஜோகூர் பாரு மத்திய நகராட்சி கவுன்சிலின் (MBIP யின் முந்தைய பெயர்) ஜனவரி 17, 2017 முதல் தலைவராக இருந்தார்.
ஆடிப் அசாரி இன்று காலை 9 மணிக்கு மாஜிஸ்திரேட் நீதிமன்றத்தில் முன்னிலைப்படுத்தி தடுப்புக்காவல் உத்தரவு பெறும் நோக்கில் அழைத்து வரப்படுவார் என்றும் எதிர்பார்க்கப்படுகிறது.
இந்த வழக்கு MACC சட்டம் 2009 பிரிவு 17 (a) இன் கீழ் விசாரிக்கப்படுகிறது என்றும் தெரிவித்தார்.
