மலாக்கா, நவம்பர் 19 :
நாளை நள்ளிரவுக்குள் மலாக்கா தேர்தலுக்கான முடிவுகள் தெரியவரும் என தேர்தல் ஆணையத்தின் தலைவர் டத்தோ அப்துல் கானி சாலே தெரிவித்துள்ளார்.
ஆரம்ப நேரம், அநேகமாக இரவு 10 மணியாக இருக்கும் என்று அவர் கூறினார். மேலும் நாளை அனைத்து தரப்பினரின் ஒத்துழைப்பை தேர்தல் ஆணையம் பெற முடிந்தால் மட்டுமே இது சாத்தியம் என்றும் அவர் கூறினார்.
“முடிவுகள் நள்ளிரவுக்கு முன் வெளியிடப்படும் என்று நாங்கள் எதிர்பார்க்கிறோம். இது எங்கள் தேர்தல் அதிகாரிகள் (RO), EC அதிகாரிகள் மற்றும் வேட்பாளர்களின் முகவர்களின் ஒத்துழைப்பைப் பொறுத்தது.
“வாக்காளர்களுக்கும், வாக்களிக்கும் செயல்முறையை நிர்வகிப்பவர்களுக்கும் இடையே நல்ல ஒத்துழைப்பு இருந்தால், தேர்தல் முடிவுகளை தேர்தல் ஆணையம் விரைவில் அறிவிக்க முடியும்.
“முடிந்தால், முடிவுகள் அறிவிக்கப்படுவதற்கான ஆரம்ப நேரம் இரவு 10 மணிக்குள் இருக்கும் என்று நான் கணிக்கிறேன்.
“இது (இரவு 10 மணிக்குள் முடிவுகள் கிடைக்கும்) நாளை நடக்கும் என்று நம்புவோம்,” என்று கூறினார்.
மலாக்காவில் மொத்தம் 495,196 பதிவு செய்யப்பட்ட வாக்காளர்கள், நாளை தங்கள் புதிய மாநில அரசாங்கத்தைத் தேர்வுசெய்ய வாக்குச் சாவடிகளுக்குச் செல்லவுள்ளனர். நாளை 70 சதவீத வாக்குப்பதிவு இருக்கும் என்று எதிர்பார்ப்பதாக தேர்தல் ஆணையம் கணித்திருக்கிறது என்றும் கூறினார்.
-என்.எஸ்.டி
