பினாங்கில் உள்ள பயான் பாருவில் உள்ள நர்சரியில் தவழும் குழந்தையின் மீது பொருட்களை வீசிய இரண்டு பெண்கள் நேற்று கைது செய்யப்பட்டுள்ளனர். 20 வயதுடைய நர்சரி தொழிலாளர்கள், அவர்களின் செயல்களைக் காட்டும் வீடியோ சமூக ஊடகங்களில் வைரலானதை அடுத்து கைது செய்யப்பட்டனர். 44 வினாடிகள் கொண்ட இந்த வீடியோவானது “Cahaya Nasihat Mohd Nhazeri” என்ற முகநூல் கணக்கில் பதிவேற்றப்பட்டது.
குழந்தைகள் சட்டம் 2001 பிரிவு 31(1)ன் கீழ் விசாரணைக்காக இருவரையும் போலீசார் கைது செய்ததாக தென்மேற்கு மாவட்ட காவல்துறை தலைவர் கமருல் ரிசல் ஜெனால் தெரிவித்தார். நவம்பர் 24 அன்று மாலை 6.45 மணியளவில் இந்தச் சம்பவம் நடந்ததாகவும், அந்த வீடியோ பாதிக்கப்பட்டவரின் தாயாரால் பதிவேற்றப்பட்டது என்றும் விசாரணையில் தெரியவந்துள்ளது என்று அவர் இன்று ஒரு அறிக்கையில் தெரிவித்தார். நெட்டிசன்கள் இருவரின் குறும்புத்தனத்திற்காகவும், குழந்தைகளைப் பராமரிக்க முடியாவிட்டால் நர்சரியில் வேலை செய்வதற்கும் அவர்கள் தகுதியற்றவர்கள் என்றும் சாடியுள்ளனர்.
