அலோர் ஸ்டார், ஜனவரி 25 :
கெடாவில் நேற்றும் இன்றும் கல்விக் குழுமம் சம்மந்தப்பட்ட மேலும் 3 புதிய கோவிட் -19 திரள்கள் பதிவு செய்யப்பட்டுள்ளன என்று கெடா மாநில சுகாதாரத் துறை (JKN)) இயக்குநர் டாக்டர் ஓத்மான் வாரிஜோ தெரிவித்தார்.
“இன்று, கூலிம் தொழிற்கல்லூரி மாணவர்கள் சம்பந்தப்பட்ட 40 நேர்மறை கோவிட்-19 தொற்றுக்கள் பதிவு செய்யப்பட்டுள்ளன என்றும் இது டா புங்கா ஜுன்ஜோங் (Dah Bunga Junjong) கோவிட்-19 திரள் என அறிவிக்கப்பட்டது.
“நேற்றுப் பதிவான 56 புதிய தொற்றுக்கள் செக்கோலா மெனெங்கா கேபாங்சான் (SMK) சையத் முகமட் அல்-புகாரியில் உள்ள தா ஜாலான் ஸ்டேடியத்தில் ஏற்பட்ட கோவிட்-19 திரள் என நாங்கள் பதிவு செய்தோம்.
“நேற்று மற்றொரு கோவிட்-19 திரளான செக்கோலா மெனெங்கா அகமா (SMA) Taufiqiah Kairiah Al-Halimiah (Pondok Pak Ya), Yan இல் உள்ள Dah Batu 16 கோவிட்-19 ஆகும், இதில் புதிய 19 கோவிட்-19 தொற்றுக்கள் பதிவு செய்யப்பட்டுள்ளன,” என்று அவர் தொடர்பு கொண்டபோது கூறினார்.
நேற்று வரை கெடாவில் கல்வி தொடர்பான 11 கோவிட்-19 திரள்கள் பதிவு செய்யப்பட்டுள்ளன.
கெடாவில் உள்ள ஆசிரியர்கள் மற்றும் மாணவர்களை உள்ளடக்கிய கல்வி நிறுவனங்கள் தொடர்பான கோவிட்-19 திரள், முதலில் ஜனவரி 11 ஆம் தேதி அன்று பதிவு செய்யப்பட்டது குறிப்பிடத்தக்கது.
