Reverse transcription polymerase chain reaction (RT-PCR) ஸ்கிரீனிங்கைச் சார்ந்திருப்பதைக் குறைக்கவும், அதற்குப் பதிலாக நாடு கோவிட்-19இன் இறுதி கட்டத்திற்கு மாறும்போது விரைவான சோதனைக் கருவிகளைப் (சுய பரிசோதனை) பயன்படுத்தவும் சுகாதார அமைச்சர் கைரி ஜமாலுதீன் மக்களுக்கு அறிவுறுத்தியுள்ளார்.
இன்று டுவிட்டரில் வெளியிடப்பட்ட இரண்டு நிமிட காணொளியில் Antigen Rapid Test Kit (RTK-Ag) ஓமிக்ரான் அலையைச் சமாளிக்க மிகவும் பயனுள்ளதாக இருக்கும். ஏனெனில் இது வெறும் 15 நிமிடங்களில் முடிவுகளைத் தருகிறது.
எவ்வளவு முன்னதாகவே நாம் கண்டறியப்படுகிறோமோ, அவ்வளவு விரைவாக நம்மைத் தனிமைப்படுத்திக் கொள்ள முடியும். ஆர்டி-பிசிஆர் அதிக உணர்திறன் கொண்டதாக இருந்தாலும் 10 பேரை ஆர்டி-பிசிஆர் மூலம் பரிசோதிப்பதை விட, 1,000 பேரை ஆர்டிகே-ஏஜி மூலம் பரிசோதிப்பது நல்லது என்றார்.
RTK-Ag ஆனது RT-PCR ஐ விடவும் மலிவானது மற்றும் சந்தையில் எளிதாகக் கிடைக்கிறது என்றார்.RTK-Ag இல் நேர்மறை சோதனை செய்யப்பட்டவர்கள் உடனடியாக தனிமைப்படுத்தலுக்கு உட்படுத்தப்பட வேண்டும் என்றும் RT-PCR ஸ்கிரீனிங் மூலம் உறுதிப்படுத்தல் சோதனையை நாட வேண்டிய அவசியமில்லை என்றும் கைரி கூறினார்.
சந்தையில் உள்ள கோவிட்-19 சுய-பரிசோதனை கருவிகளின் தரத்தை தொடர்ந்து கண்காணிக்கவும், தேவையான தரத்தை பூர்த்தி செய்யாத தயாரிப்புகள் மீது நடவடிக்கை எடுக்கவும் மருத்துவ சாதன ஆணையம் மூலம் சுகாதார அமைச்சகத்திற்கு உத்தரவிடப்பட்டுள்ளதாகவும் அவர் கூறினார்.
