கோலாலம்பூர், மார்ச் 28 :
எதிர்வரும் ஏப்ரல் 1ஆம் தேதி முதல் இரு நாடுகளுக்கும் இடையே நில எல்லைகள் மீண்டும் திறக்கப்படுவதை ஒட்டி, மலேசியா மற்றும் சிங்கப்பூர் இடையே இயங்கும் அனைத்து வகை பொதுப் போக்குவரத்து வாகனங்களும் செல்ல அனுமதிக்கப்படும் என்று போக்குவரத்து அமைச்சர் டத்தோஸ்ரீ டாக்டர் வீ கா சியோங் தெரிவித்துள்ளார்.
நாட்டிலுள்ள அனைத்து பொதுப் போக்குவரத்து சேவை வழங்குனர்களும் தங்கள் சாலைப் போக்குவரத்துத் துறை (JPJ), நிலப் பொதுப் போக்குவரத்து முகமை (APAD) அனுமதிகள் அல்லது உரிமங்கள் அல்லது சிங்கப்பூர் அதிகாரிகார சபையில் புதுப்பிப்பதற்கான முன்கூட்டியே தயாரிப்புகளை மேற்கொள்ளலாம் என்றார்.
மேலும் இந்த சேவைகள் குறித்த கூடுதல் விவரங்களை சேவை வழங்குனர்களிடமிருந்து இருந்து பொதுமக்கள் பெற்றுக் கொள்ளலாம் என்று வீ கூறினார்.
அனைத்து இயங்கும் வாகனங்களிலும் QR குறியீடுகளைத் தயாரிப்பது உட்பட, தற்போதுள்ள அனைத்து நிலையான இயக்க நடைமுறைகளுக்கு (SOP) இணங்குமாறு அனைத்து எல்லை தாண்டிய போக்குவரத்து சேவை வழங்குனர்களுக்கு அவர் நினைவூட்டினார்.
மலேசியாவிற்குள் நுழையும் போது ஏற்படும் போக்குவரத்து நெரிசல் மற்றும் தாமதங்களைத் தடுக்க அனைத்து சிங்கப்பூர் பதிவு செய்யப்பட்ட வாகனங்களும் தங்களுடைய டச் என் கோ கார்டுகள் செல்லுபடியாகும் என்பதையும், இ-வாலட் அல்லது டச் என் கோ கார்டில் போதுமான இருப்பு வைத்திருப்பதையும் உறுதி செய்ய வேண்டும் என்று வீ கூறினார்.
“மலேஷியா-சிங்கப்பூர் எல்லைகளை மீண்டும் திறப்பது இரு நாடுகளின் பொருளாதார வளர்ச்சியை அதிகரிப்பதோடு மட்டுமல்லாமல், மலேசியர்களுக்கும் சிங்கப்பூரர்களுக்கும் இடையிலான குடும்ப உறவுகளையும் நட்பையும் வலுப்படுத்தும் என்று MOT (போக்குவரத்து அமைச்சகம்) நம்புகிறது,” என்று அவர் மேலும் கூறினார்.
மலேசியா மற்றும் சிங்கப்பூர் ஆகியவை தங்கள் நில எல்லைகளை ஏப்ரல் 1 முதல் முழுமையாக தடுப்பூசி போடப்பட்ட பயணிகளுக்காக மீண்டும் திறக்க ஒப்புக்கொண்டுள்ளன, அவர்கள் கோவிட்-19 முன் புறப்பாடு மற்றும் வருகை சோதனைகளை எடுக்கவோ அல்லது தனிமைப்படுத்தப்படவோ தேவையில்லை என்பது குறிப்பிடத்தக்கது.
