பிக்பாஸ் நடிகையான சோனாலி போகட் உடம்பில் பல்வேறு இடங்களில் காயங்கள் இருந்தது பிரேத பரிசோதனையில் தெரியவந்துள்ளது.பிக்பாஸ் நடிகையான சோனாலி போகட் உடம்பில் பல்வேறு இடங்களில் காயங்கள் இருந்தது பிரேத பரிசோதனையில் தெரியவந்துள்ளது.
42 வயது நடிகையும் அரசியல்வாதியுமான சோனாலி போகட் கடந்த செவ்வாய்க் கிழமை கோவாவில் சந்தேகத்திற்கிடமான முறையில் மரணமடைந்தார். முதலில் அவருக்கு மாரடைப்பால் மரணம் ஏற்பட்டதாக கூறப்பட்டது. ஆனால் அவருடைய மரணம் இயற்கைக்கு மாறானது என அவரது குடும்பத்தினர் சந்தேகம் தெரிவித்தனர்.
சோனாலி போகட்டின் சகோதரர் ரிங்கு டாக்கா, சோனாலி போகட்டின் உதவியாளர் சுதிர் சங்வான் மற்றும் அவருடைய உதவியாளர் சுக்விந்தர் ஆகியோர்தான் சோனாலி போகட்டை கொலை செய்துவிட்டதாக போலீஸில் புகார் அளித்திருந்தார். இதையடுத்து அவர்கள் இருவரையும் போலீசார் கைது செய்துள்ளனர்.
இந்நிலையில் கோவா மருத்துவக் கல்லூரி மருத்துவமனையில் சோனாலி போகட்டின் உடல் பிரேதப் பரிசோதனை செய்யப்பட்டது. பிரேத பரிசோதனை அறிக்கை முடிவில் சோனாலியின் உடலில் பல இடங்களில் வெளிப்படையான காயங்கள் உள்ளன என தெரிவிக்கப்பட்டுள்ளது.
மேலும் போகட்டின் மரணம் எப்படி நடந்தது என்பதை விசாரணை அதிகாரி உறுதி செய்ய வேண்டும் என குறிப்பிட்டுள்ளது. சோனாலி போகட்டை அவருடைய உதவியாளர்கள் இருவரும் பாலியல் பலாத்காரம் செய்து கொன்று விட்டதாக அவருடைய சகோதரர் புகார் அளித்திருந்த நிலையில் சோனாலியின் உடம்பில் காயங்கள் இருப்பதாக பிரேத பரிசோதனையில் தெரிய வந்திருப்பது பரபரப்பை ஏற்படுத்தியுள்ளது.
