ஜகர்த்தா, அக்டோபர் 20:
இந்தோனேசியாவில் உள்ள ஜகார்த்தா இஸ்லாமிய மையப் பெரிய மசூதியின் ராட்சத குவிமாடம் நேற்று பெரும் தீவிபத்தில் இடிந்து விழுந்தது.
இந்த தீவிபத்தின் வீடியோ சமூக ஊடகங்களில் வெளியானது. இதில் மசூதியின் குவிமாடம் இடிந்து விழும் காட்சிகள் பதிவாகியிருந்து. இந்த விபத்தில் எந்த உயிரிழப்பும் இல்லை என்று அதிகாரிகள் கூறியதாக தகவல்கள் தெரிக்கின்றன.
மசூதியின் குவிமாடம் புதுப்பிக்கும் போது தீ விபத்து ஏற்பட்டு எரிந்து நாசமானது. நேற்று பிற்பகல் 3 மணி அளவில் தீ பற்றி எரிந்தது, இதனையடுத்து தீயணைப்பு வீரர்கள் தீயை அணைக்கும் பணியில் ஈடுபட்டனர். மசூதியின் குவிமாடம் இடிந்து விழுவதற்கு சற்று முன்பு அதிலிருந்து தீப்பிழம்புகள் மற்றும் புகை கிளம்பியதை வெளியான வீடியோ காட்சிகள் தெரிவிக்கின்றன.
தீ விபத்துக்கான காரணம் இதுவரை தெரியவில்லை. அந்த நேரத்தில் இஸ்லாமிய மையம் புனரமைப்புப் பணிகளில் ஈடுபட்டிருந்ததாக தகவல்கள் தெரிவிக்கின்றன. தீவிபத்து அல்லது அதைத் தொடர்ந்து ஏற்பட்ட இடிபாடுகளில் யாருக்கும் காயம் ஏற்படவில்லை எனவும் தீ விபத்துக்கான காரணம் குறித்து போலீசார் விசாரணை நடத்தி வருவதாகவும், கட்டிடத்தில் பணிபுரியும் ஒப்பந்ததாரர்களிடம் விசாரணை நடத்தியதாகவும் கூறப்படுகிறது.
மசூதியைத் தவிர, இஸ்லாமிய மைய வளாகத்தில் கல்வி, வணிக மற்றும் ஆராய்ச்சி வசதிகளும் உள்ளன. இந்த மசூதியின் குவிமாடம் கடந்த 20 ஆண்டுகளுக்கு முன்பு புதுப்பிக்கும் போது இதேபோல் தீப்பிடித்தது குறிப்பிடத்தக்கது. தற்போது ஏற்பட்ட தீயை அணைக்க 5 மணிநேரம் போராடி தீயணைப்பு வீரர்கள் போராடியதாக தகவல்கள் தெரிவிக்கின்றன.
The giant dome of the Jakarta Islamic Centre Grand Mosque in Indonesia has collapsed after a major fire broke out.
Officials say there were no victims. pic.twitter.com/1HfypNJcAt
— CBS News (@CBSNews) October 19, 2022