லங்காவி, டிசம்பர் 11 :
நேற்றிரவு இங்குள்ள செனாங் கடற்கரையில் பொழுதுபோக்கு நடவடிக்கையில் ஈடுபட்டபோது, நீரில் மூழ்கி இரு சுற்றுலா பயணிகள் உயிரிழந்தனர், ஒருவர் மலேசிய குடிமைத் தற்காப்புப் படையினரால் உறுப்பினர்களால் மீட்கப்பட்டார்.
நேற்றிரவு 7.30 மணியளவில் நடந்த இச்சம்பவத்தில், பாதிக்கப்பட்ட அனைவரும் இன்னும் அடையாளம் காணப்படவில்லை என்று லங்காவி தீயணைப்புத் தலைவர், முகமட் ஜம்ரி அப்துல் கானி தெரிவித்தார்.
சம்பவம் குறித்து இரவு 7.38 மணிக்குதமது துறைக்கு அவசர அழைப்பு வந்தது என்றும் உடனடியாக, நீர் மீட்புக் குழுவுடன் தீயணைப்பு மீட்பு இயந்திரம் சம்பவம் நடந்த இடத்திற்கு அனுப்பப்பட்டது.
“சம்பவ இடத்திற்கு வந்தபோது, மூன்று ஆண்கள் கடலில் பொழுதுபோக்கு நடவடிக்கையில் ஈடுபட்டதாகவும், அவர்களில் ஒருவர் APM உறுப்பினர்களால் மீட்கப்பட்டதாகவும் நடவடிக்கை தளபதி தெரிவித்தார்.
“தேடல் மற்றும் மீட்பு நடவடிக்கையின் மூலம், இரண்டாவது நபர் இரவு 8.40 மணிக்கு தீயணைப்புப் பிரிவினரால் கண்டுபிடிக்கப்பட்டார், அதைத் தொடர்ந்து நான்கு மணி நேரம் கழித்து மூன்றாவது நபரும் கண்டுபிடிக்கப்பட்டார்” என்று அவர் இன்று வெளியிட்டுள்ள ஒரு அறிக்கையில் தெரிவித்தார்.
கண்டுபிடிக்கப்பட்ட இரண்டாவது மற்றும் மூன்றாவது நபர்கள் மருத்துவ அதிகாரிகளால் இறந்துவிட்டதாக உறுதிப்படுத்தப்பட்டு, பின்னர் மேலதிக நடவடிக்கைக்காக போலீசாரிடம் ஒப்படைக்கப்பட்டதாக முகமட் ஜம்ரி கூறினார்.
