அடுத்த தலைமுறைக்கு வழி வகுக்கும் வகையில் ஜோகூர் பாரு ஐ.செ.க (MCA) கட்சியின் பிரிவுத் தலைவர் பதவியை டத்தோஸ்ரீ டாக்டர் வீ கா சியோங் ராஜினாமா செய்துள்ளார்.
“இன்று, நான் பிரதேச மட்டத்தில் எனது பதவியிலிருந்து உத்தியோகபூர்வமாக ராஜினாமா செய்கிறேன். இதுவே கடைசியாக பிரிவுத் தலைவராக நான் பேசுவது என்பது வருத்தமளிக்கிறது.
“நான் முதலில் ஜோகூர் பாரு MCA பிரிவு பொது புகார்கள் பணியகத்துடன் என் சேவையை தொடங்கினேன், அங்கு நான் மோசடிக் கும்பல்கள் மற்றும் கடன் சுறாக்களால் பாதிக்கப்பட்டவர்களைக் கையாள்வதில் ஈடுபட்டேன், பின்னர் பிரிவுத் தலைவராக ஆனேன்.
“கட்சியின் எதிர்கால நலனுக்காக தொடர்ச்சியை உறுதி செய்ய பிரதேச அளவில் தலைமை மாற்றம் தேவை என்று நான் நம்புகிறேன்” என்று ஐ.செ.க கட்சியின் தலைவருமான அவர் கூறினார்.
30 வருடங்களாக ஜோகூர் பாருவில் மக்கள் பணியில் ஈடுபட்டிருக்கும் ஆயிர் ஈத்தாம் எம்.பி.யான வீ, ஜோகூர் பாரு ஐ.செ.க பிரிவு கட்சி மட்டத்தில் மட்டுமின்றி, முன்னாள் ஐ.செ.க தலைவர் டான் ஸ்ரீ லீ சான் சூன் மற்றும் ஜோகூர் ஐ.செ.க முன்னாள் தலைவர் டத்தோ ஃப்ரெடி லாங் போன்ற பல சிறந்த தலைவர்களை உருவாக்கியுள்ளது என்றார்.
“அந்த வகையில், ஜோகூர் பாரு ஐ.செ.க பிரிவு எதிர்காலத்தில் மேலும் பல வெற்றிகளைப் பெறும் என்று நான் நம்புகிறேன்,” என்று அவர் மேலும் கூறினார்.
நேற்று நடைபெற்ற கட்சித் தேர்தலில், முன்னாள் இளைஞர் பிரிவுத் தலைவர் போங் செங் ஹெங், ஜோகூர் பாரு ஐ.செ.க பிரிவுத் தலைவர் பதவிக்கு, போட்டியாளர் ஆங் பூன் ஹெங்கிற்கு எதிராக 152 வாக்குகள் பெற்று வெற்றி பெற்றார் என்பது குறிப்பிடத்தக்கது.
