சிபு , ஆகஸ்ட்டு 2 :
நேற்று அதிகாலை சபா, சிபுவிலுள்ள ஜாலான் துங்கு அப்துல் ரஹ்மானின் லாட் 112, பத்து 9, தோட்டத்தில் துப்பாக்கிச் சூட்டுக்கு இலக்காகி நண்பர் ஒருவர் முகத்தில் காயம் அடைந்த நிலையில் ஒருவர் உயிரிழந்தார், மற்றொருவர் காட்டுக்குள் ஓடியதால் உயிர் பிழைத்தார்.
நேற்று அதிகாலை 1.23 மணியளவில் நடந்த இந்த சம்பவத்தில், 46 வயதுடைய நபர் உடலில் எட்டு துப்பாக்கிச் சூட்டுக் காயங்களுடன் உயிரிழந்தார் என்று, சிபு மாவட்ட காவல்துறை தலைவர், துணை ஆணையர் சுல்கிப்லி சுஹைலி கூறினார்.
“பாதிக்கப்பட்டவரை அவரது நண்பர்கள் மற்றும் குடும்பத்தினர் சிபு மருத்துவமனைக்கு அனுப்பி வைத்தனர், ஆனால் அதிகாலை 1.55 மணிக்கு அவர் இறந்துவிட்டதாக உறுதி செய்யப்பட்டது,” என்று அவர் நேரற்று நடந்த ஒரு செய்தியாளர் கூட்டத்தில் கூறினார்.
மேலும் கருத்து தெரிவித்த சுல்கிப்லி, பாதிக்கப்பட்டவரும் அவரது 46 மற்றும் 36 வயதுடைய இரண்டு ஆண் நண்பர்களும் இரவு 11.30 மணியளவில் இரவு உணவிற்காக தோட்டத்திற்குச் சென்றபோது இந்த சம்பவம் நடந்ததாக நம்பப்படுகிறது.
“பாதிக்கப்பட்டவரின் நண்பர் தோட்டத்தில் கேட்டை பூட்டியபோது, அருகிலுள்ள மலையிலிருந்து வந்த சந்தேக நபர் அவர்களை திடீரென சுட்டுக் கொன்றார்.
“அவர்களில் ஒருவர் தன்னைக் காப்பாற்றிக் கொள்ள மலைப்பகுதியில் உள்ள காட்டுக்குள் தப்பி ஓடினார், அரை மணி நேரம் கழித்து, அந்த நபர் புதரிலிருந்து வெளியே வந்து, பாதிக்கப்பட்டவரை இறந்துவிட்டதைக் கண்டார்,” என்று அவர் கூறினார்.
சம்பவ இடத்தில் மேற்கொண்ட சோதனையின் விளைவாக, போலீசார் தோட்டா உறைகளை கண்டுபிடித்தனர், ஆனால் பயன்படுத்தப்பட்ட துப்பாக்கி இன்னும் அடையாளம் காணப்படவில்லை என்று சுல்கிப்லி கூறினார்.
பாதிக்கப்பட்டவரின் நண்பரின் சாட்சியத்தின் அடிப்படையில் இரண்டு சந்தேக நபர்களால் இந்த தாக்குதல் மேற்கொள்ளப்பட்டுள்ளதாக அவர் தெரிவித்துள்ளார்.
இந்த சம்பவம் குண்டர் கும்பலுடன் தொடர்புடையதா என்று கேட்கப்பட்டதற்கு, சுல்கிப்லி இது இன்னும் விசாரணையில் இருப்பதாகவும், ஆனால் கொல்லப்பட்டவருக்கு மூன்று முந்தைய குற்றப் பதிவுகள் இருப்பதாகக் கூறினார்.
மேலும் சம்பவத்தின் நோக்கம் இன்னும் விசாரணையில் இருப்பதாகவும், குற்றவியல் சட்டம் பிரிவு 302 இன் படி போலீசார் விசாரணை ஆவணங்களைத் திறந்துள்ளனர் என்றும் அவர் கூறினார்.
