ஜசெகவில் இருந்து தான் ராஜினாமா செய்தது குறித்து முன்னாள் பினாங்கு துணை முதல்வர் டாக்டர் பி ராமசாமியிடம் விளக்கம் கேட்க உள்ளதாக பிரதமர் டத்தோஸ்ரீ அன்வார் இப்ராஹிம் தெரிவித்துள்ளார். ராமசாமி என் நண்பர். (அவரது ராஜினாமா குறித்து) நான் அவருடைய கருத்துக்களைப் பெறுவேன். கட்சியில் (ஜசெக) உள்ள பல பிரச்சனைகளைப் பற்றி அவர் புரிந்துகொள்கிறார் என்று அன்வார் வியாழன் அன்று 36ஆவது ஆசிய-பசிபிக் வட்டமேசை மாநாட்டில் தனது முக்கிய உரையை ஆற்றிய பின்னர் சந்தித்தபோது கூறினார்.
பக்காத்தான் ஹராப்பான் தலைவராக இருக்கும் அன்வார், ராமசாமி தொடர்ந்து மக்களுக்கு சேவை செய்வார் என்று நம்பிக்கை தெரிவித்தார். அவர் மடானிக்கு (பொருளாதார கட்டமைப்பிற்கு) தொடர்ந்து பங்களிப்பார் என்று நம்புகிறேன் என்று அன்வர் கூறினார். முன்னதாக, ராமசாமி ஜசெக பொதுச் செயலாளர் அந்தோணி லோக் மற்றும் பினாங்கு ஜசெக தலைவர் சோவ் கோன் இயோவ் ஆகியோரிடம் ராஜினாமா கடிதம் அளித்ததாக தகவல் வெளியானது. ஆகஸ்ட் 12 பினாங்கு மாநிலத் தேர்தலுக்கான வேட்பாளராக நிறுத்தப்பட்ட ஏழு பேரில் ராமசாமியும் ஒருவர். அவர் 2008 முதல் பிறை சட்டமன்ற உறுப்பினராக இருந்தார்.
