கோலாலம்பூர்:
ஆகஸ்டு 13 முதல் 19 வரையிலான வாரத்தில் மொத்தம் 2,248 டிங்கி காய்ச்சல் சம்பவங்கள் பதிவாகியுள்ளன, இது முந்தைய வாரத்தில் பதிவான 2,487 டிங்கி காய்ச்சல் சம்பவங்களுடன் ஒப்பிடும்போது 239 சம்பவங்கள் அல்லது 9.6 சதவீதம் குறைந்துள்ளது.
இதே காலகட்டத்தில் டிங்கி காய்ச்சல் சம்பவங்களால் ஒரு மரணம் பதிவாகியுள்ளதாக சுகாதார இயக்குநர்-ஜெனரல் டத்தோ டாக்டர் முஹமட் ராட்ஸி அபு ஹாசன் தெரிவித்தார்.
“கடந்த ஆண்டு இதே காலப்பகுதியில் பதிவான 35,330 டிங்கி காய்ச்சல் நோயாளர்களுடன் ஒப்பிடுகையில், இன்றுவரை டிங்கி காய்ச்சல் நோயாளர்களின் மொத்த எண்ணிக்கை 75,928 ஆக இருந்தது, இது 40,598 டிங்கி காய்ச்சல் சம்பவங்கள் (115 சதவீதம்) அதிகரித்துள்ளது.
“இதற்கிடையில், 2022 ஆம் ஆண்டில் இதே காலகட்டத்தில் 22 இறப்புகளுடன் ஒப்பிடுகையில், இன்றுவரை டிங்கி காய்ச்சல் சிக்கல்களால் 54 இறப்புகள் பதிவாகியுள்ளன,” என்று அவர் இன்று வெளியிட்டுள்ள ஒரு அறிக்கையில் தெரிவித்தார்.
