நாளை இடைத்தேர்தலில் போட்டியிடும் பக்காத்தான் ஹராப்பான் (பிஎச்) வேட்பாளரை ஆதரிக்குமாறு பூலாய் நாடாளுமன்றம் மற்றும் சிம்பாங் ஜெராம் மாநிலத் தொகுதிகளில் வசிக்கும் சபாஹான்களுக்கு மக்கள் ஜனநாயக நலக் கட்சி (கேடிஎம்) அழைப்பு விடுத்துள்ளது.
அதன் தலைவர் டத்தோ பீட்டர் அந்தோணி இரு தொகுதிகளிலும் உள்ள மக்களின் நலனைப் பாதுகாப்பதற்கும் சமூகப் பொருளாதாரத்தை மேம்படுத்துவதற்கும் முக்கியமானது என்றார்.
“சபாஹான்கள் மற்ற மாநிலங்களைக் காட்டிலும் ஜோகூரில் அதிகமானோர் வாழ்கின்றனர். ஜொகூரில் குடியேறிய சபாஹான்கள் புத்திசாலித்தனமாகத் தேர்ந்தெடுப்பார்கள் என்று நான் நம்புகிறேன், மேலும் 3R பிரச்சினையில் (மதம், அரச நிறுவனங்கள் மற்றும் இனம்) அலட்ச்சியப்போக்குடன் இருக்கும் தலைவர்களை தேர்ந்தெடுக்க மாட்டார்கள் என நம்புகிறேன்.”
“இரு தொகுதிகளிலும் தொடர்ச்சியான வளர்ச்சியைக் கொண்டுவரும் திறன் கொண்ட ஒரு தலைவரைத் தேர்ந்தெடுங்கள்; மறைந்த (டத்தோஸ்ரீ சலாவுதீன் அயூப்) தனது ரஹ்மா முயற்சியால் பிரபலமானவர் என்பதை நாங்கள் அறிவோம், நாடு முழுவதும் உள்ள மக்களுக்கு மட்டுமல்ல, அவர் முன்பு பிரதிநிதித்துவப்படுத்திய தொகுதிகளிலும் சேவை செய்தார்.
மெளலாப் சட்டமன்ற உறுப்பினரான பீட்டர், சில அரசியல் தலைவர்களின் நடவடிக்கைகள், குறிப்பாக எதிர்க்கட்சிகள், அடிக்கடி 3R பிரச்சினையை விளையாடுவது சபாவில் ஏற்றுக்கொள்ள முடியாதது, எனவே சபாஹான்கள், குறிப்பாக ஜோகூரில் எதிர்க்கட்சிகளை ஏற்க மாட்டார்கள் என்று அவர் நம்புகிறார்.
“முன்பு ஆறு மாநில தேர்தல்களின் போது, பல சபாஹான்களை, குறிப்பாக சிலாங்கூரில் வசிப்பவர்களை நான் சந்தித்திருக்கிறேன். அவர்கள் சபாவில் இருந்ததைப் போலவே, தங்கள் சொந்த மாநிலத்திலிருந்து விலகி வாழ்ந்தாலும், அவர்களிடையே ஒற்றுமை உணர்வு அப்படியே இருப்பதாக அவர்கள் என்னிடம் சொன்னார்கள்.
