ஜெலேபு:
மத்திய வேளாண் விற்பனை வாரியத்தின் (FAMA) செயல்பாட்டு மையத்தில் உள்ளூர் வெள்ளை அரிசி விற்பனை செய்வதை அறிந்தவுடன் காலை 8 மணிக்கே மக்கள் அங்கு முற்றுகையிட்டனர்.
அதனால் மொத்தம் 3,500 கிலோகிராம் அரிசி 90 நிமிடங்களில் விற்றுத் தீர்ந்துவிட்டது.
சந்தையில் அரிசி வழங்கல் சிக்கல்களை எதிர்கொள்வதாக ஜெலேபுவைத் தவிர, மாநிலத்தில் உள்ள மற்ற ஐந்து FAMA விற்பனை நிலையங்களும், இதுபோன்ற உள்ளூர் வெள்ளை அரிசியை விநியோகம் செய்ய கவனம் செலுத்தப்பட்டு வருகிறது என நம்பிக்கைக்குரிய வட்டாரங்கள் தெரிவித்துள்ளன.
கோலா கிளவாங்கைச் சேர்ந்த 46 வயதான கதீஜா சித்தேக் என்ற இல்லத்தரசி கூறுகையில், உள்ளூர் அரிசி விற்பனைக்கு இல்லாததால், முன்பு அதிக விலைக்கு இறக்குமதி செய்யப்பட்ட அரிசியை வாங்கியதாகவும், FAMAவின் இந்த விற்பனை தனக்கு பெரிதும் உதவியது என்றார்.
“உள்ளூர் அரிசி விலை இல்லாததைத் தொடர்ந்து மற்ற பொருட்களின் விலைகள் அதிகரித்து வருவதால், கிராம மக்கள் வாழ்க்கைச் செலவை சமாளிப்பது மிகவும் சிரமமாக உள்ளது என்று அவர் இங்குள்ள FAMA ஜெலேபு செயல்பாட்டு மையத்தில் சந்தித்தபோது கூறினார்.
அதேநேரத்தில் வர்த்தகரான, கம்போங் லாரோங்கைச் சேர்ந்த 74 வயதான சம்சுடின் டோஹாட் கூறுகையில், உள்ளூர் வெள்ளை அரிசி பொதுமக்களால் மட்டுமல்ல, அவரைப் போன்ற உணவு வணிகர்களாலும் எதிர்பார்க்கப்படுகிறது என்றார்.
சந்தையில் உள்ளூர் அரிசி விநியோகம் துண்டிக்கப்பட்டதையடுத்து, தாம் இறக்குமதி செய்யப்பட்ட அரிசியை கொள்வனவு செய்ய வேண்டிய நிலை ஏற்பட்டதாகவும், ஆனால் அவர் விற்பனை செய்த அரிசியின் விலை அதிகரிக்கப்படாமல், நிர்ணயிக்கப்பட்ட விலையில் இருப்பதாகவும் அவர் கூறினார்.
“அரசு இது போன்ற விற்பனையை நடத்துவது நல்லது, எனவே முன்பைப் போல வினியோக சிக்கல்கள் எதுவும் இருக்காது” என்று அவர் கூறினார்.
