சிபு:
வயது குறைந்த சிறுமியை பாலியல் வன்கொடுமை செய்த குற்றச்சாட்டில் ஆடவர் ஒருவருக்கு 24 ஆண்டுகள் சிறைத்தண்டனை மற்றும் எட்டு பிரம்படிகள் வழங்க செஷன்ஸ் நீதிமன்றம் இன்று புதன்கிழமை (ஜனவரி 24) உத்தரவிட்டுள்ளது.
நீதிபதி ஸ்டெல்லா அகஸ்டின் ட்ரூஸ், 38 வயதான குற்றவாளிக்கு எதிரான ஒவ்வொரு குற்றச்சாட்டுக்கும் தலா 12 ஆண்டுகள் சிறைத்தண்டனை, நான்கு கசையடிகளும் விதித்தார்.
குழந்தைகளுக்கு எதிரான பாலியல் குற்றங்கள் சட்டம் 2017ன் பிரிவு 26ன் படி சிறை தண்டனை அனுபவிக்கும் போது, குற்றம் சாட்டப்பட்டவருக்கு மறுவாழ்வு ஆலோசனைகளை வழங்கவும் அவர் உத்தரவிட்டார்.
மேலும், அதே சட்டத்தின் 27வது பிரிவின்படி தண்டனைக் காலம் முடிந்து இரண்டு ஆண்டுகள் போலீஸ் கண்காணிப்பில் வைக்கவும் நீதிமன்றம் உத்தரவிட்டது.
கடந்த 2020ஆம் ஆண்டு மார்ச் மாதம் மதியம் 12.30 மணியளவில் லோரோங் உலு ஓயா 31 இல் உள்ள ஒரு வீட்டில் பாலுறவு கொள்ளாமல், பாதிக்கப்பட்ட பெண்ணை பாலியல் தொந்தரவு செய்ததாக குற்றம் சாட்டப்பட்டது.
இரண்டாவது குற்றச்சாட்டைப் பொறுத்தவரை, ஜூன் 2020 இல் அதே இடத்தில் மதியம் 1 மணியளவில் பாதிக்கப்பட்ட அதே செயலைச் செய்ததாகக் கூறப்படுகிறது.
