கோலாலம்பூர்:
இன்றைய நாடாளுமன்ற அமர்வின்போது, ஆயுதப்படை நிதி வாரியத்தின் (LTAT) பல மூத்த அதிகாரிகள் ராஜினாமா செய்த விஷயம், வெள்ளத்தால் பாதிக்கப்பட்டவர்களுக்கு உதவி செய்யும் கொள்கை மற்றும் மாநில சிரியா சட்டத்தை பாதுகாக்கும் அரசாங்கத்தின் முயற்சிகள் ஆகியவை விவாதிக்கப்படும் என்று கூறப்படுகிறது.
LTAT மூத்த அதிகாரிகளின் ராஜினாமா தொடர்பான பிரச்சினையை அமைச்சர்களுக்கான கேள்வி நேரத்தின்போது (MQT) பாதுகாப்பு அமைச்சர் டத்தோஸ்ரீ முகமட் காலிட் நோர்டினிடம் டத்தோ கிளிர் முகமட் நோர் (PN-Ketereh) கேள்வி எழுப்புவார்.
இந்த விஷயத்தை கையாள்வதில் அரசாங்கம் எடுத்த நடவடிக்கைகளை எடுத்துள்ளது என கிளிர் அறிய விரும்புகிறார் என நாடாளுமன்றத்தின் அதிகாரப்பூர்வ இணையதளத்தில் உள்ள தரவில் கூறப்பட்டுள்ளது.
மேலும், ரோட்சியா இஸ்மாயில் (PH-Ampang) வீட்டுவசதி மற்றும் உள்ளாட்சி அமைச்சர் Nga Kor Ming இடம் தாமான் ஸ்ரீ பெரெம்பாங் போர்ட் கிள்ளான் குடியிருப்பில் வசிப்பவர்கள் தங்குவதற்கு குறைந்த விலை அடுக்குமாடி குடியிருப்புகளை நிர்மாணிப்பதற்கான RM50 மில்லியன் ஒதுக்கீடு குறித்தும் கேள்வி எழுப்புவார் எனவும் அறிவிக்கப்பட்டுள்ளது.
அத்தோடு சிரியா சட்டம் குறித்து, டத்தோஸ்ரீ தக்கியுடின் ஹாசன் (BN -கோத்தா பாரு) பிரதமர் டத்தோஸ்ரீ அன்வார் இப்ராஹிமிடம் கேள்வியெழுப்புவார் எனவும் கூறப்பட்டுள்ளது.
