கோலாலம்பூர் அனைத்துலக விமான நிலையத்தில் (KLIA) துப்பாக்கி சூடு நடத்திய சந்தேக நபரை போலீசார் கைது செய்ததை தொடர்ந்து துப்பாக்கி சூட்டில் காயமடைந்த மெய்ப்பாதுகாவலரின் மனைவி முஹம்மது நூர் ஹதீஸ் தனது நிம்மதியை வெளிப்படுத்தியுள்ளார். நியூ ஸ்ட்ரெய்ட்ஸ் டைம்ஸின் கூற்றுப்படி, மனைவி சித்தி நோரைடா ஹாசன் 38, தனது நன்றியைத் வெளிப்படுத்தியதோடு சந்தேக நபரின் செயல்களுக்கு “தகுந்த தண்டனையை” வழங்குமாறு அவர் வலியுறுத்தினார்.
சந்தேக நபரை கைது செய்த காவல்துறை மற்றும் பிற தரப்பினருக்கு சித்தி நன்றி தெரிவித்தார். திங்கட்கிழமை (ஏப்ரல் 15), சந்தேக நபரான ஹஃபிசுல் ஹவாரி, 38, பிற்பகல் 3 மணியளவில் கிளந்தான், கோத்தா பாருவில் கைது செய்யப்பட்டார். ஞாயிற்றுக்கிழமை (ஏப்ரல் 14) பிற்பகல் 1.20 மணிக்கு நூர் ஹதீஸ் மற்றொரு சக ஊழியருக்காக நிற்கும் போது சுடப்பட்டது.
சந்தேக நபர் தனது மனைவியும் நூர் ஹதீஸின் பணியாளருமான ஃபராஹ் இசாவை குறிவைத்து இரண்டு துப்பாக்கிச் சூடுகளை நடத்தினார். ஆனால் அவற்றில் ஒன்று தவறி மெய்ப்பாதுகாவலரின் வயிற்றுப் பகுதியில் தாக்கியது. மெய்ப்பாதுகாவலரின் உடல்நிலை சீராக இருப்பதாக தெரிவிக்கப்பட்டுள்ளது. இதற்கிடையில், ஹபிசுல் ஏழு நாட்கள் காவலில் வைக்கப்பட்டுள்ளார். இது திங்கள்கிழமை (ஏப்ரல் 22) முடிவடைகிறது. குற்றவியல் நடைமுறைச் சட்டம் 117ஆவது பிரிவின் கீழ் இந்த தடுப்பு காவல் உத்தரவு பெறப்பட்டது.
