எந்த குறை என்றாலும் கந்தக் கடவுளிடம் முறையிட்டால் வந்த வினையும், இனி வரவிருக்கும் வினைகளும் ஓடி விடும் என்பார்கள். ஆனால் முருகனை எப்படி வழிபட்டால் அவரது அருளை பெற முடியும்? கடுமையான விரதம் இருக்க வேண்டுமா? என்ன மந்திரம் சொல்ல வேண்டும்? எத்தனை நாட்கள், எத்தனை முறை சொல்ல வேண்டும்? என்பது போன்ற பல குழப்பங்களும், கேள்விகளும் இருக்கும். இதற்கு அருணகிரிநாதர் தன்னுடைய பாடலிலேயே பதில் சொல்லி உள்ளார்.
அருணகிரிநாதர், தான் பெற்றதை போல் உலகில் உள்ள அனைவரும் முருகப் பெருமானின் அருளையும், தரிசனத்தையும் பெற வேண்டும், அவர்களின் மனக்குறைகள் நீங்கி, பெருவாழ்வு வாழ வேண்டும் என்ற உயர்ந்த நோக்கத்துடன் பல ஆயிரம் பாடல்களை திருப்புகழ் தொகுப்பாக பாடி வைத்துள்ளார். அதனால் தான் முருகனின் அருளை பெற வேண்டும் என்றாலும் சரி, என்ன பிரச்சனை நீங்க வேண்டும் என்றாலும் சரி திருப்புகழ் பாடுங்கள் என ஆன்றோர்கள் வழிகாட்டுகிறார்கள்.
பொதுவாக எந்த கடவுளின் முன் போய் நின்றாலும் நமக்கு கேட்பதற்கு பல கேள்விகள், கோரிக்கை வைப்பதற்கு பல விஷயங்கள், கொட்டி தீர்ப்பதற்கு பல கஷ்டங்கள், குறைகள் இருக்கும். இவற்றை தான் கடவுளின் முன் பட்டியல் இடுகிறோம். ஆனால் இந்த உலகத்தையே படைத்து, இயக்கிக் கொண்டிருக்கும் அந்த இறைவனுக்கு தெரியாதா, நமக்கு எப்போது என்ன கொடுக்க வேண்டும் என்று? இப்படி எதையும் சொல்லி புலம்பாமல், “முருகா எனக்கு உன்னைத் தவிர எதுவும் வேண்டாம். எனக்குள் இருக்கும் தீயவை அனைத்தையும் நீக்கி, உன்னுடைய பக்தராக இருக்கும் தகுதியை எனக்கு கொடு” என்று மட்டும் மனதார வேண்டிக் கொள்ள வேண்டும் என அருணகிரிநாதர் சொல்கிறார்.
அரை நிமிடம் வழிபட்டால் என்ன கிடைக்கும்?
அரை நிமிடம் உன்னை நினைக்காத காரணத்தால் மீண்டும் மீண்டும் பிறவி எடுத்து, பல விதமான கஷ்டங்களை அனுபவித்துக் கொண்டே இருக்கிறேன். அதனால் இப்போது எடுத்திருக்கும் மனித பிறவியிலாவது அரை நிமிடம் உன்னை மனம் உருக வேண்டும் பாக்கியத்தை கொடு என கேட்டும் அருணகிரிநாதர், அரை நிமிடம் மனதார, உண்மையான அன்புடன் உள்ளம் உருகி முருகனை வேண்டிக் கொண்டால் இந்த உலகில் சகல செல்வங்களையும், அனைத்து விதமான நலன்களையும் பெற்று வாழ முடியும். அதோடு இந்த வாழ்க்கைக்கு பிறகு முக்தி என்றும் பெரும் பாக்கியத்தையும் முருகன் தருவார் என்கிறார் அருணகிரிநாதர்.
திருப்புகழ் படித்தால் கிடைக்கும் பலன்கள் :
தினமும் மனதார அரை நிமிடம் முருகப் பெருமானை நினைத்து வழிபட்டு, இந்த திருப்புகழ் பாடலை பாடி வந்தால் முருகன் பெருமான் நீங்கள் கேட்ட வரத்துடன், கேட்காத வரத்தை மட்டுமல்ல நினைத்துப் பார்க்காத அனைத்து விதமான நலன்களையும் அள்ளி அள்ளி கொடுப்பார் என்பதை அருணகிரிநாதரே இந்த பாடலில் சொல்லி உள்ளார். முருகப் பெருமான் ஆறுமுகமும், பன்னிரு கைகளையும் கொண்டு தன்னுடைய பக்தர்களை காத்து, அருளை வழங்கக் கூடியவர்.
