போதை மாத்திரைகள் கடத்திய சந்தேகத்தின் பேரில் நால்வர் கைது

கோத்தா பாரு:

ஜெலி, கம்போங் லகோட்டாவில் உள்ள ஒரு வீட்டில், 2,170 யாபா மாத்திரைகளை கடத்திய சந்தேகத்தின் பேரில், மூன்று உள்ளூர் ஆண்கள் மற்றும் ஒரு பெண்ணை போலீசார் நேற்று கைது செய்தனர்.

அவர்களிடமிருந்து கைப்பற்றப்பட்ட போதை மாத்திரைகளின் மொத்த மதிப்பு 64,660 ரிங்கிட் என மதிப்பிடப்பட்டுள்ளது.

மேலும் அந்த வீட்டில் கண்டுபிடிக்கப்பட்ட இரண்டு கார்களையும் (மிட்சுபிஷி டிரைடன் மற்றும் புரோட்டோன் சத்ரியா) போலீசார் பறிமுதல் செய்தனர்.

22 முதல் 45 வயதுக்குட்பட்ட சந்தேக நபர்கள் அனைவரும் போதைப்பொருள் தடுப்பு சிறப்பு நடவடிக்கையில் கைது செய்யப்பட்டதாக ஜெலி மாவட்ட காவல்துறைத் தலைவர் சாரி யாக்கோப் தெரிவித்தார்.

தொடர்ந்து மேற்கொள்ளப்பட்ட சிறுநீர் பரிசோதனையில் சந்தேகத்திற்குரியவர்கள் அனைவருக்கும் மெத்தம்பேட்டமைன் இருப்பது கண்டறியப்பட்டது.

நான்கு பேருக்கு குற்றம் மற்றும் போதைப்பொருள் தொடர்பான பதிவுகள் இருப்பதாகவும், ஆபத்தான மருந்துகள் சட்டம் 1952 இன் பிரிவு 39B, விஷச் சட்டம் 1952 இன் பிரிவு 30(3) மற்றும் சட்டம் 1988 A 340 ஆபத்தான மருந்துகளின் பகுதி III (சொத்து பறிமுதல்) ஆகியவற்றின் கீழ் வழக்கு விசாரிக்கப்படுவதாக சாரி கூறினார்.

இதன்படி, சந்தேகநபர்கள் அனைவரும் இன்று முதல் ஜூன் 26 வரை ஏழு நாட்களுக்கு விளக்கமறியலில் வைக்கப்பட்டுள்ளனர் என்று அவர் மேலும் கூறினார்.