புத்ராஜெயா: ஹமாஸ் அரசியல் தலைவர் இஸ்மாயில் ஹனியேவின் இறுதிச் சடங்கில் பங்கேற்பதற்காக கத்தார் தோஹாவுக்கு வரும் மலேசியக் குழுவுடன் துணை உள்துறை அமைச்சர் டத்தோஸ்ரீ டாக்டர் ஷம்சுல் அனுவார் நசுரா வெள்ளிக்கிழமை அங்கு செல்கிறார். வெளியுறவு அமைச்சக அறிக்கையின்படி, ஷம்சுல் அனுவாருடன் செனட்டர் டத்தோஸ்ரீ டாக்டர் முஜாஹிட் யூசோப், உள்துறை அமைச்சக அதிகாரிகள் செல்லவிருக்கின்றனர்.
வெள்ளிக்கிழமை தொழுகையைத் தொடர்ந்து தோஹாவிலுள்ள இமாம் முஹம்மது இப்னு அப்துல் வஹ்ஹாப் மசூதியில் நடைபெறும் இறுதிச் சடங்குகளில் பிரதி அமைச்சர் மற்றும் அவரது குழுவினர் பங்கேற்பார்கள். ஹனியே லுசைலில் உள்ள ஸ்தாபக இமாமின் கல்லறையில் அடக்கம் செய்யப்படுவார். பாலஸ்தீனத்தின் குடும்பம், தலைமை மற்றும் மக்களுடன் மலேசியா ஒற்றுமையுடன் இருப்பதாக அந்த அறிக்கையில் தெரிவிக்கப்பட்டுள்ளது.
பாலஸ்தீனியர்களின் மகத்தான துயரம், துன்பம் மற்றும் தியாகம், இறையாண்மை, சுதந்திரமான பாலஸ்தீனிய தேசத்திற்கான தேடலில் சுதந்திரம், அமைதி மற்றும் நீதிக்கான போராட்டத்திற்காக தனது குடும்பம், வாழ்க்கை மற்றும் ஆன்மாவை அர்ப்பணித்த இஸ்மாயில் ஹனியேவின் வாழ்க்கை மூலம் எடுத்துக்காட்டுகிறது” என்று கூறினார்.
ஜூலை 31 அன்று உள்ளூர் நேரப்படி அதிகாலை 2 மணியளவில் வடக்கு தெஹ்ரானில் உள்ள அவரது தங்குமிடத்தை குறிவைத்து இஸ்ரேல் நடத்திய வான்வழி தாக்குதலில் ஹனியே கொல்லப்பட்டதாக ஈரானிய ஊடகங்கள் செய்தி வெளியிட்டுள்ளன. ஈரானின் புதிய அதிபரின் பதவியேற்பு விழாவிற்காக ஹனியே தெஹ்ரானில் இருந்தார்.
