குவாந்தான்: உணவு விற்பனையாளர் நோர்ஷமிரா ஜைனல் கொலை தொடர்பாக கைது செய்யப்பட்ட சந்தேக நபரின் காவல் ஒரு வாரம் நீட்டிக்கப்பட்டுள்ளது. சந்தேக நபரின் முதல் காவல் காலம் வெள்ளிக்கிழமை (பிப்ரவரி 21) முடிவடைந்ததால், வழக்கு மாஜிஸ்திரேட் நோர் இஸ்ஸாட்டி ஜகாரியாவிடம் பரிந்துரைக்கப்பட்ட பின்னர், நீட்டிப்பு வழங்கப்பட்டதாக குவாந்தான் OCPD உதவி ஆணையர் வான் முகமது ஜஹாரி வான் புசு தெரிவித்தார்.
குற்றவியல் சட்டத்தின் பிரிவு 302இன் கீழ் மேலும் விசாரணைகளை எளிதாக்க, சந்தேக நபரின் காவலை நீட்டிக்க உத்தரவு பெற்றுள்ளோம் என்று அவர் தொடர்பு கொண்டபோது கூறினார். பிப்ரவரி 13 அன்று தஞ்சோங் லம்பூர் பாலம் அருகே ஆற்றங்கரையில் 37 வயதான நோர்ஷமிராவின் உடல் கண்டெடுக்கப்பட்டது. அதைத் தொடர்ந்து நடத்தப்பட்ட விசாரணையில் சட்டவிரோத செயல்களுக்கான அறிகுறிகள் தெரியவந்தது.
பிப்ரவரி 15 அன்று, கோல தெரெங்கானுவின் வகாஃப் டெம்பேசு கோங் படாக்கில் உள்ள ஒரு குடியிருப்பு பகுதியில் 53 வயதுடைய ஒருவரை போலீசார் கைது செய்தனர். விசாரணைக்கு உதவ மோதிரம், பணம், ஆடைகள், ஆவணங்கள் உட்பட பல பொருட்கள் கைப்பற்றப்பட்டன.
