கோலாலம்பூர்:
கூண்டில் அடைக்கப்பட்ட குரங்கின் மீது பெயிண்ட் தெளிப்பதைக் காட்டும் வீடியோ ஒன்று ஆன்லைனில் வைரலானதை அடுத்து, வனவிலங்கு மற்றும் தேசிய பூங்காக்கள் துறை ஆடவர் ஒருவரை கைது செய்துள்ளது.
குறித்த வீடியோ தொடர்பாக பெட்டாலிங் மாவட்டத்தைச் சேர்ந்த கால்நடை அதிகாரி நேற்று (மே 24) அதிகாலை 2.10 மணிக்கு புகார் அளித்ததாக சுங்கை பூலோ மாவட்ட காவல்துறை தலைவர் கண்காணிப்பாளர் முகமட் ஹபீஸ் முஹமட் நோர் தெரிவித்தார்.
“புகார்தாரர் பேஸ்புக்கில் வைரலான ஐந்து வினாடி வீடியோவைப் பார்த்திருந்தார், அதில் ஒருவர் கூண்டிற்குள் அடைத்து வைக்கப்பட்டிருந்த ஒரு குரங்கின் மீது நீல வண்ணப்பூச்சு தெளிப்பதைக் காட்டியது.
இந்த சம்பவம் ஷா ஆலம், U17, தாமான் தேசா மோசிஸில் நடந்ததாக நம்பப்படுகிறது.
“முதற்கட்ட விசாரணைகளைத் தொடர்ந்து, சுங்கை பூலோ காவல் தலைமையகம் இந்த வழக்கை கால்நடை சேவைகள் துறை மற்றும் வனவிலங்கு மற்றும் தேசிய பூங்காக்கள் துறை போன்ற பிற நிறுவனங்களுக்கு பரிந்துரைத்தது,” என்று அவர் நேற்று வெளியிட்டுள்ள ஒரு அறிக்கையில் தெரிவித்தார்.
மேலும் வனவிலங்கு பாதுகாப்புச் சட்டம் 2010 (சட்டம் 716) இன் பிரிவு 86 இன் கீழ் அந்த நபரைக் கைது செய்துள்ளது என்று அவர் கூறினார்.
