சிங்கப்பூர்:
37 வயது மலேசியர் ஒருவர் சிங்கப்பூருக்குள் கெத்தும் நீர் கொண்ட பாட்டிலை கடத்தும் முயற்சி, துவாஸ் சோதனைச் சாவடியில் குடியேற்ற அதிகாரிகள் மேற்கொண்ட சோதனையில் தவிடுபொடியாகியுள்ளது.
அக்டோபர் 14 ஆம் தேதி குடிவரவு மற்றும் சோதனைச் சாவடிகள் ஆணையத்தின் (ICA) அதிகாரிகள் மலேசியாவில் பதிவுசெய்யப்பட்ட மோட்டார் சைக்கிளில் சென்று கொண்டிருந்த அந்த நபரை மேலும் ஆய்வுக்காக தடுத்து நிறுத்தியபோது இந்த சம்பவம் நிகழ்ந்தது.
இருப்பினும், அவரது உடைமைகள் மற்றும் மோட்டார் சைக்கிளை விரிவாகச் சோதனை செய்ததில்
சந்தேகத்திற்குரிய கெத்தும் ஜூஸ் கொண்ட ஒரு பாட்டிலை அவரது பையில் மறைத்து வைத்திருப்பதை அதிகாரிகள் கண்டுபிடித்தனர்.
இந்த வழக்கு விசாரணைக்காக மத்திய போதைப்பொருள் தடுப்புப் பணியகத்திற்கு (CNB) பரிந்துரைக்கப்பட்டுள்ளது.
