கோலாலம்பூர் | மார்ச் 05, 2026:
கடந்த மூன்று நாட்களாகத் தொடர்ந்து சரிவைக் கண்டு வந்த மலேசிய ரிங்கிட், இன்று முதலீட்டாளர்களின் புதிய தேவையால் (Renewed Demand) அமெரிக்க டாலருக்கு எதிராகச் சற்று உயர்வுடன் நேற்று வர்த்தகத்தை நிறைவு செய்தது.
மாலை 6 மணி நிலவரப்படி, ரிங்கிட்டின் மதிப்பு 3.9395/9465 ஆக உயர்ந்தது (நேற்று இது 3.9440/9495 ஆக இருந்தது). அதேநேரம் மற்ற நாடுகளுக்கு எதிராக: யூரோ (Euro): 4.5738-க்கு வலுவடைந்தது, பிரிட்டிஷ் பவுண்ட் (Pound): 5.2640-ஆகச் சரிந்தது, சிங்கப்பூர் டாலர்: 3.0864-ஆகச் சற்றுச் சரிந்தது, இந்தோனேசிய ரூபியா: 233.1-ஆக உயர்வு கண்டது.
பேங்க் முவாமலாட் (Bank Muamalat) தலைமைப் பொருளாதார நிபுணர் டாக்டர் முகமட் அப்சானிசாம் அப்துல் ரஷீத் இது குறித்துக் கூறியதாவது: ஈரான் மீதான இஸ்ரேல்-அமெரிக்கப் போர் உலகப் பொருளாதாரத்தில், குறிப்பாகப் பணவீக்கத்தில் (Inflation) எத்தகைய தாக்கத்தை ஏற்படுத்தும் என்பதைச் சந்தை உன்னிப்பாகக் கவனித்து வருகிறது.
மத்திய கிழக்கிலிருந்து எண்ணெய் இறக்குமதியை நம்பியிருக்கும் சீனா, இந்தியா, ஜப்பான் மற்றும் தென்கொரியா போன்ற ஆசிய நாடுகள் எரிபொருள் விலை உயர்வால் பாதிக்கப்படலாம்.
இன்று (மார்ச் 5) மலேசிய மத்திய வங்கியின் (BNM) பணவியல் கொள்கைக் குழு கூடுகிறது. இதில் தற்போதைய வட்டி விகிதமான (OPR) 2.75 சதவீதத்தில் மாற்றமிருக்காது என எதிர்பார்க்கப்படுகிறது.
ஈரான் போர்ச் சூழல் உலக மற்றும் உள்நாட்டுப் பொருளாதாரத்தில் எத்தகைய பாதிப்புகளை ஏற்படுத்தும் என்பது குறித்த மத்திய வங்கியின் (Bank Negara Malaysia) சமீபத்திய மதிப்பீட்டை அறிய முதலீட்டாளர்கள் ஆவலுடன் காத்திருக்கின்றனர். இதனால் சந்தையில் ஒருவித எச்சரிக்கை உணர்வு (Risk-off mode) தொடர்ந்து நீடிக்கிறது.
