லுமுட், திங்களன்று புலாவ் பங்கோர் கடற்பகுதியில், ஆவணங்களற்ற இந்தோனேசியப் புலம்பெயர்ந்தோர் சம்பந்தப்பட்ட படகு கவிழ்ந்த விபத்தில் பலியானவர்கள் என நம்பப்படும் மேலும் மூன்று பெண்களின் உடல்கள் கண்டெடுக்கப்பட்டுள்ளன. நேற்று மாலை சுமார் 6 மணியளவில், சம்பவம் நடந்த இடத்திலிருந்து சுமார் 20 கடல் மைல் தொலைவில், ராயல் மலேசியக் கடற்படையின் (RMN) கே.டி. ஸ்ரீ இந்திரா சக்தி என்ற கப்பலால் இந்த மூன்று உடல்களும் கண்டெடுக்கப்பட்டதாக கடல்சார் காவல் மண்டலம் ஒன்று செயல்பாட்டுக் கட்டளை அதிகாரி டி.எஸ்.பி. மஸ்ரே சே மஹ்மோத் தெரிவித்தார்.
இன்று பெர்னாமா அவரைத் தொடர்பு கொண்டபோது, ”பலியான மூவரின் அடையாளங்களைக் கண்டறியும் விசாரணைகள் நடைபெற்று வருகின்றன,” என்று அவர் கூறினார். மே 11 அன்று தேடுதல் மற்றும் மீட்பு (SAR) நடவடிக்கையின் முதல் நாளில் 23 பேர் மீட்கப்பட்டதைத் தொடர்ந்து, சமீபத்திய கண்டுபிடிப்புடன் இதுவரை கண்டெடுக்கப்பட்ட பாதிக்கப்பட்டவர்களின் மொத்த எண்ணிக்கை 30 ஆக உயர்ந்துள்ளதாக மஸ்ரே கூறினார்.
நாங்கள் இன்னும் ஏழு பேரைத் தேடி வருகிறோம். கடல்சார் காவல்துறை, RMN மற்றும் மலேசிய கடல்சார் அமலாக்க முகமை (MMEA) ஆகியவற்றின் பங்களிப்புடன், தேடுதல் மற்றும் மீட்பு நடவடிக்கையின் மூன்றாம் நாள் இன்று காலை 7 மணிக்கு மீண்டும் தொடங்கியது,” என்று அவர் கூறினார். முன்னதாக நேற்று, புலாவ் பங்கோர் கடற்பகுதியில் நான்கு உடல்கள் கண்டெடுக்கப்பட்டன.
