கோத்தா கினபாலு, ஜூலை 21:
சட்டவிரோதமாக குடியேறியவர்களை அரசு வாகனங்களைப் பயன்படுத்தி கொண்டு சென்றதாக நம்பப்பட்டதை அடுத்து மூன்று அரசு ஊழியர்கள் கைது செய்யப்பட்டனர்.
ஜூலை 14 ஆம் தேதி இரவு 10 மணியளவில் நடந்த இந்த சம்பவத்தின் போது, 39 முதல் 49 வயதுக்குட்பட்ட மூவரும், ஜாலான் குனக்-தவாவ் வழியாக சாலைத் தடையை கடந்து செல்வதற்கு ஒரு அரசு நிறுவனத்தின் சின்னத்துடன் இரண்டு நான்கு சக்கர வாகனங்களை பயன்படுத்தியதாகக் கூறப்படுகிறது.
இருப்பினும், அவர்கள் சாலைத் தடை வழியாக வேகமாகச் சென்றபோது சந்தேகம் ஏற்பட்டதாகவும் இந்த குழு மூன்று சாலைத் தடைகளை கடந்து, தவாவு, ஜாலான் அபாஸ், பலுங் பகுதியில் கைது செய்யப்பட்டனர். பின்னர் சந்தேகநபர்கள் மூவரும் மேலதிக விசாரணைகளுக்காக ஸ்ரீ இந்தா காவல் நிலையத்திற்கு கொண்டு செல்லப்பட்டனர்.
“முதற்கட்ட விசாரணையில் மூன்று சந்தேகநபர்களும் 15 பயணிகளை லஹத் தத்துவிலிருந்து தாவாவ் கொண்டு சென்றதாக ஒப்புக் கொண்டனர்.
“இருப்பினும், கைது செய்யப்பட்டபோது, மூன்று நபர்கள் மட்டுமே வாகனத்தில் இருந்தனர்,” என்றும் அவர் கூறினார்.
இந்த சம்பவம் சமூக ஊடகங்களில் வைரலாகி, நெட்டிசன்களிடமிருந்து பல்வேறு எதிர்விளைவுகளை ஏற்படுத்தியது, இதுபோன்ற சம்பவங்கள் மீண்டும் நிகழாமல் தடுக்க அதிகாரிகள் கடுமையான நடவடிக்கை எடுக்க வேண்டும் என்றும் சிலர் கேட்டுக்கொண்டனர்.
சபா போலீஸ் கமிஷனர் டத்தோ ஹசானி கசாலியை தொடர்பு கொண்டபோது மூன்று நபர்களும் கைது செய்யப்பட்டதை அவர் உறுதிப்படுத்தினார்.
தனிநபர்கள் கடத்தல் தடுப்பு மற்றும் புலம்பெயர்ந்தோர் கடத்தல் தடுப்புச் சட்டம் (ATIPSOM) 2007 மற்றும் குற்றத் தடுப்புச் சட்டம் (POCA) 1959 ஆகியவற்றின் படி மேலதிக விசாரணைகள் மேற்கொள்ளப்படுகின்றன என்பது குறிப்பிடத்தக்கது.
