அரண்மனைக்கு பிரதமர் அலுவலகம் “திமிர்பிடித்த” (arrogant) பதிலுக்குப் பிறகு அம்னோவின் நாடாளுமன்ற உறுப்பினர்கள் தங்களை அரசாங்கத்திலிருந்து விலக்கி கொள்ள கேட்டுக் கொள்ளப்பட்டுள்ளதாக கட்சியின் துணைத் தலைவர் முகமட் ஹசான் தெரிவித்தார்.
அனைத்து அம்னோ நாடாளுமன்ற உறுப்பினர்களுக்கும் அரசாங்கத்திற்கும் அரண்மனைக்கும் இடையிலான நெருக்கடிக்கு இழுக்கப்படுவதிலிருந்து விலகி இருக்க வேண்டும் என்று தோக் மாட் என்றும் அழைக்கப்படும் முகமட் ஒரு அறிக்கையில் தெரிவித்துள்ளார்.
அவசரகால கட்டளைகளை ரத்து செய்வது தொடர்பாக இஸ்தானா நெகாராவும் அரசாங்கமும் முரண்பட்ட அறிக்கைகளைப் பகிர்ந்து கொண்ட ஒரு நாள் கழித்து இந்த அறிக்கை வெளிவந்துள்ளது.
அனுமதியின்றி அரசாங்கம் செயல்பட்டதாக அரண்மனை ஏமாற்றத்தை வெளிப்படுத்தியது. அதே நேரத்தில் சட்டம் மற்றும் கூட்டாட்சி அரசியலமைப்பிற்கு ஏற்ப ரத்து செய்யப்பட்டதாக PMO வலியுறுத்தியது.
(அம்னோ நாடாளுமன்ற உறுப்பினர்கள்) அரண்மனையின் கண்டனத்தை மறுப்பதாகக் கருதக்கூடிய ஒரு நிலையில் இருக்க முடியாது. எனவே, அனைத்து அம்னோ நாடாளுமன்ற உறுப்பினர்கள் சரியானதைச் செய்து கட்சியின் நிலைப்பாட்டிற்கு ஏற்ப இருக்குமாறு நான் அறிவுறுத்துகிறேன் என்று முகமட் கூறினார்.
நேற்று, கட்சியின் தலைவர் அஹ்மத் ஜாஹிட் ஹமிடியும் அனைத்து அம்னோ நாடாளுமன்ற உறுப்பினர்களும் பிரதமருக்கு அளித்த ஆதரவை திரும்பப் பெறுமாறு அழைப்பு விடுத்திருந்தார்.
