தொடர் மழையால் நெகிரி செம்பிலானின் 29 பகுதிகளில் திடீர் வெள்ளப்பெருக்கு ஏற்பட்டதால் பாதிக்கப்பட்ட 274 பேர் ஐந்து தற்காலிக தங்குமிடங்களுக்கு மாற்றப்பட்டுள்ளனர்.
வெள்ளிக்கிழமை (டிசம்பர் 17) இரவு 10 மணி முதல் தொடர்ந்து மழை பெய்ததைத் தொடர்ந்து வீடுகள் வெள்ளத்தில் மூழ்கியதால் பாதிக்கப்பட்ட 112 பேர் லுகுட்டில் உள்ள கம்போங் பாயா சமூகக் கூடத்திற்கு மாற்றப்பட்டதாக மாநில தீயணைப்பு மற்றும் மீட்புப் பணிகள் துறையின் உதவி இயக்குநர் அஹ்மத் முக்லிஸ் மொக்தார் தெரிவித்தார்.
87 பேர் இப்போது சிலியாவ் ஹிலிரில் உள்ள ஒரு சூராவிலும், 42 பேர் கெரு ஹிலிரில் உள்ள மற்றொரு சுராவிலும், 29 பேர் தெலுக் கெமாங்கில் உள்ள கம்போங் பெர்மாடாங் பாசிர் சமூகக் கூடத்திலும் உள்ளனர் என்று அவர் சனிக்கிழமை (டிசம்பர் 18) கூறினார்.பாதிக்கப்பட்ட 29 பகுதிகளில் 12 இடங்களில் மட்டுமே வசிப்பவர்கள் தற்காலிக தங்குமிடங்களுக்கு மாற்றப்பட வேண்டும் என்று அஹ்மத் முக்லிஸ் கூறினார்.
