கோலாலம்பூர், ஜனவரி 10 :
லண்டனில் இருந்து மலேசியாவிற்கு திரும்ப முயன்ற மொத்தம் 39 மலேசியர்கள், திரும்பும் விமானத்திற்கு முன்னதாக மேற்கொள்ளப்பட்ட கோவிட் -19 சோதனையில் நேர்மறையான பதிலை பெற்றதால், நாடு திரும்ப முடியாது லண்டனில் சிக்கிக்கொண்டுள்ளனர்.
ஜனவரி 5 ஆம் தேதி வரை பாதிக்கப்பட்ட 27 மலேசியர்களிடமிருந்து தகவல்களைப் பெற்ற, லண்டனில் உள்ள மலேசிய தூதரகம் இதனை உறுதிப்படுத்தியுள்ளது.
அவர்களில் ஒருவர் மட்டுமே மேலதிக சிகிச்சைக்காக மருத்துவமனையில் அனுமதிக்கப்பட்டார், மற்றவர்கள் விமானத்தில் ஏற அனுமதிக்கும் கோவிட் -19 நோயிலிருந்து குணமானதாக தெரிவிக்கும் சான்றிதழைப் பெறாததால், அவர்களால் நாடு திரும்ப முடியவில்லை.
லண்டனில் உள்ள மலேசிய தூதரகம் அங்கு சிக்கித் தவிக்கும் அனைத்து மலேசியர்களுக்கும் உதவி வழங்க முயன்றுள்ளது.
இதற்கிடையில், லண்டனில் வசிக்கும் மலேசியர்கள் சிக்கித் தவிக்கும் பாதிக்கப்பட்டவர்களுக்கு உணவு உதவி, தார்மீக ஆதரவு போன்ற உதவிகளை செய்ய முயற்சிக்கின்றனர்.
கடந்த ஆண்டு டிசம்பரில் இருந்து, ஐக்கிய இராச்சியம் (UK) கோவிட்-19 நேர்மறை வழக்குகளில் வேகமான அதிகரிப்பை பதிவு செய்துள்ளது, குறிப்பாக ஓமிக்ரான் மாறுபாடு சம்பந்தப்பட்டது.
இங்கிலாந்திற்குச் செல்ல விரும்பும் மலேசியர்கள், அதிகரித்து வரும் நோய்த்தொற்று வீதத்தைக் கவனித்து, தங்கள் பயணத்தை மீண்டும் திட்டமிடுமாறு அறிவுறுத்தப்படுகிறார்கள்.
