கோவிட் தொற்றினால் பாதிக்கப்பட்டோரில் நேற்று 558 பேர் புதிதாக மருத்துவமனைகளில் அனுமதிக்கப்பட்டுள்ளதாக சுகாதார அமைச்சகம் தெரிவித்துள்ளது. இதில் 221 தொற்றுகள் வகை 1 மற்றும் 2 இல் உள்ளன. 337 தொற்றுகள் வகை 3, 4 மற்றம் 5 இல் உள்ளன.
சிலாங்கூர் 106 புதிய சேர்க்கைகளைப் பெற்றுள்ளது. அதைத் தொடர்ந்து ஜோகூர் (63) மற்றும் கோலாலம்பூர் (60) உள்ளன. நேற்று 647 நோயாளிகள் டிஸ்சார்ஜ் செய்யப்பட்டுள்ளனர்.
ஒரு அறிக்கையில், சுகாதார தலைமை இயக்குநர் டாக்டர் நூர் ஹிஷாம் அப்துல்லா, கோவிட் -19 தீவிர சிகிச்சை பிரிவுகள் (ஐசியுக்கள்) அவற்றின் மொத்த கொள்ளளவான 876 படுக்கைகளில் 27% இல் உள்ளன என்றார். சிலாங்கூர் (51%) மட்டுமே 50% ஐசியூ படுக்கை திறனைத் தாண்டியுள்ளது.
மொத்தம் 131 நோயாளிகளுக்கு சுவாச உதவி தேவைப்பட்டது. அவர்களின் அதிகபட்ச திறனில் 15% வென்டிலேட்டர்கள் பயன்படுத்தப்படுகின்றன. புத்ராஜெயா (55%) மற்றும் சிலாங்கூரில் (55%) சாதாரண கோவிட்-19 படுக்கைகளின் பயன்பாடு 50% திறனைத் தாண்டியுள்ளது.
பொது மருத்துவமனைகளில் கோவிட்-19 மற்றும் கோவிட்-19 அல்லாத நோயாளிகளின் மொத்தத் திறனைப் பொறுத்தவரை, சிக்கலான படுக்கைகள் 61% திறனில் இருந்தன. அதே நேரத்தில் 56% ஐசியூக்கள் பயன்பாட்டில் உள்ளன. ஒரு புதிய கிளஸ்டர் நேற்று அறிவிக்கப்பட்டது. கோவிட்-19 தொற்று விகிதம் (R0) 0.86 ஆக இருந்தது.
