ஷா ஆலம்:
கடந்த அக்டோபர் 6 ஆம் தேதி மாலை 6.45 மணியளவில் ஓலாக் லெம்பிட், பந்திங் அருகே நாட்டிலிருந்து சட்டவிரோதமாக தப்பிச் செல்ல முயன்ற 8 பெண்கள் உட்பட 53 வெளிநாட்டினரை போலீசார் கைது செய்தனர்.
செமினியின் பொது நடவடிக்கைப் படையின் (GOF ) 4 வது பட்டாலியனால், மூன்று வெளிநாட்டு பிரஜைகள், குறித்த குடியிருப்புக்கு அருகில் ஒரு வாகனத்தில் கைது செய்யப்பட்டதைத் தொடர்ந்து, சந்தேக நபர்கள் அனைவரும் கைது செய்யப்பட்டனர் என்று கோலா லங்காட் மாவட்ட காவல்துறைத் தலைவர் அஹ்மட் ரித்வான் முகமட் நார்@சாலே கூறினார்.
மேலதிக விசாரணையில், “இந்த சந்தேக நபர்கள் அனைவரும், கடல் வழியாக நாட்டை விட்டு வெளியேறத் திட்டமிட்டிருந்ததாக ஒப்புக்கொண்டனர். மேலதிக விசாரணைகளுக்காக பந்திங் காவல் நிலையத்திற்கு அழைத்துச் செல்லப்பட்டனர்,” என்று அவர் கூறினார்.
17 முதல் 56 வயதுக்குட்பட்ட சந்தேக நபர்களிடமிருந்து ஒரு வாகனம் மற்றும் இரண்டு கைபேசிகளை அவரது குழு கைப்பற்றியதாகவும் அஹ்மட் ரித்வான் கூறினார்.
அனைத்து சந்தேக நபர்களும் 14 நாட்களுக்கு விளக்கமறியலில் வைக்கப்படுவார்கள் என்றும் , அதே நேரத்தில் மூவர் கைது செய்யப்பட்ட நாளிலிருந்து 28 நாட்களுக்கு விளக்கமறியலில் வைக்கப்படுவார்கள் என்றும், நபர் கடத்தல் தடுப்பு மற்றும் புலம்பெயர்ந்தோரை கடத்தல் தடுப்பு பிரிவு 26A இன் கீழ் இந்த வழக்கு விசாரிக்கப்படும் என்றும் அவர் கூறினார்.
