மாமன்னர் பிரதமர் அன்வார் இப்ராஹிம் மற்றும் பல அமைச்சர்கள் அனைத்து மலேசிய கிறிஸ்தவர்களுக்கும் கிறிஸ்துமஸ் வாழ்த்துக்களை தெரிவித்துள்ளனர். மாமன்னர் சுல்தான் அப்துல்லா சுல்தான் அஹ்மத் ஷா மற்றும் ராஜா பெர்மைசூரி அகோங் துங்கு அசிஸா அமினா மைமுனா இஸ்கந்தரியா ஆகியோர் ஃபேஸ்புக்கில், இந்த கொண்டாட்டம் மலேசியாவில் உள்ள அனைத்து கிறிஸ்தவர்களுக்கும் அமைதி, மகிழ்ச்சி மற்றும் செழிப்பைக் கொண்டுவரும் என்று நம்புகிறோம் என வாழ்த்து செய்தியில் தெரிவித்திருந்தனர்.
அன்வார், தனது செய்தியில், கிறிஸ்துமஸ் கொண்டாட்டம் அனைத்து மலேசியர்களுக்கும் அவர்களின் பின்னணியைப் பொருட்படுத்தாமல் ஒருவருக்கொருவர் நேசிக்கவும் நல்லது செய்யவும் “வேகத்தை உருவாக்கும்” என்று நம்புகிறார். அதிகமான முதலீடுகள் மற்றும் கடுமையான வறுமைக்கு முற்றுப்புள்ளி வைப்பதன் மூலம் நாடு அதன் பொருளாதாரத்தை தொடர்ந்து வளர்க்க, மக்களின் ஒற்றுமை தேவை.
இந்த ஆண்டு கிறிஸ்துமஸ் கொண்டாட்டம் நாடு மற்றும் அனைத்து மலேசியர்களுக்கும் மகிழ்ச்சி, அமைதி, நல்லிணக்கம், ஒற்றுமை மற்றும் செழிப்பு ஆகியவற்றைக் கொண்டு வரட்டும் என்று அவர் முகநூல் பதிவில் தெரிவித்துள்ளார். இதற்கிடையில், இந்த பண்டிகைக் காலம் இன ஒற்றுமை மற்றும் நல்லிணக்கத்தை வலுப்படுத்த ஒரு ஊக்கியாக செயல்படும் என்று துணைப் பிரதமர் ஃபடில்லா யூசோப் நம்பிக்கை தெரிவித்தார். நாங்கள் போற்றும் ஒற்றுமை மற்றும் நல்வாழ்வு நிலைத்திருக்கட்டும். இது தலைமுறைகளுக்கு ஒரு பாரம்பரியத்தை உறுதி செய்யும் என்று ஃபடில்லா முகநுலில் கூறினார். போக்குவரத்து அமைச்சர் லோக் சியூ ஃபூக் மலேசியர்களுக்கு கிறிஸ்துமஸ் வாழ்த்துக்களை தெரிவித்தார். இது இரக்கத்திற்கும் கருணைக்குமான ஒரு நேரம் என்று கூறினார்.
