கால்நடை சுகாதாரச் சிக்கலால் ஒரு மாதம் கடலில் சிக்கிய கப்பல்: 3,000 கால்நடைகளுடன் இறுதியாக லிபியாவில் தரையிறங்கியது – கால்நடை மருத்துவச் சிகிச்சை தொடங்கப்பட்டது!
கோலாலம்பூர், நவம்பர் 26:
கடலில் கிட்டத்தட்ட ஒரு மாதம் சிக்கித் தவித்த நிலையில், 3,000 மாடுகளை சுமந்து சென்ற ஒரு கப்பல் இறுதியாக லிபியாவில் தரையிறங்கியுள்ளதாக தற்போது தகவல் வெளியானது.
தென் அமெரிக்காவிலிருந்து புறப்பட்ட இந்தக் கப்பல், அதில் இருந்த கால்நடைகளுக்குச் சுகாதாரச் சிக்கல்கள் இருப்பதாகச் சந்தேகிக்கப்பட்டதால், அதன் வழியில் இருந்த பலத் துறைமுகங்களில் தரையிறங்க மீண்டும் மீண்டும் மறுப்பை எதிர்கொண்டது.
இதனிடையே, பாதுகாப்பானத் துறைமுகத்திற்காக அதிகாரிகள் தேடியபோது, இந்த விலங்குகள் கடுமையானச் சூழ்நிலைகளையும், உணவு பற்றாக்குறையையும் எதிர் கொண்டன.
எனவே தான், விரிவான முயற்சிகளுக்குப் பிறகு, லிபிய அதிகாரிகள் கால்நடைகளை ஏற்கச் சம்மதித்ததன் மூலம், இந்த கடுமையான பயணம் முடிவுக்கு வந்தது.
இதன் விளைவாக, விலங்குகளுக்குத் தேவையான மருத்துவச் சிகிச்சையும், நிவாரணமும் வழங்கப்படத் தொடங்கியுள்ளது.
இந்தச் சம்பவம், உயிருள்ள விலங்குகளை ஏற்றுமதி செய்வதில் உள்ள தளவாட மற்றும் நெறிமுறைக் சவால்களையும், கடல்சார் அவசர நிலைகளின்போது தெளிவான ஒருங்கிணைப்பின் மிக முக்கியமான தேவையையும் எடுத்து காட்டுகிறது.
