கோலாலம்பூர்:
மலேசியாவில் நாளை (ஜனவரி 22, 2026) முதல் நடைமுறைக்கு வரும் வகையில், பெட்ரோல் மற்றும் டீசல் விலைகளில் மாற்றங்களை நிதி அமைச்சகம் (MOF) அறிவித்துள்ளது. இதன்படி, பெட்ரோல் RON 97 மற்றும் தீபகற்ப மலேசியாவில் டீசல் ஆகியவற்றின் விலை உயர்ந்துள்ளது.
ஜனவரி 22 – ஜனவரி 28, 2026 வரையான காலப்பகுதியில் பெட்ரோல் RON 97: லிட்டருக்கு 2 காசு உயர்ந்து, அதன் புதிய விலை 3.10 ரிங்கிட் என நிர்ணயிக்கப்பட்டுள்ளது. இந்த விலை தற்போது 3.08 ரிங்கிட்டாக இருக்கிறது.
பெட்ரோல் RON 95 (மானியமற்றது/வெளிநாட்டினருக்கு): லிட்டருக்கு 2 காசு உயர்ந்து, அதன் புதிய விலை 2.54 ரிங்கிட் ஆக மாற்றப்பட்டுள்ளது. (தற்போது இதன் விலை: 2.52 ரிங்கிட்).
டீசல் (தீபகற்ப மலேசியா): தீபகற்ப மலேசியாவில் (Peninsular Malaysia) டீசல் விலை லிட்டருக்கு 4 காசு உயர்ந்து, 2.88 ரிங்கிட் ஆக நிர்ணயிக்கப்பட்டுள்ளது. (கடந்த வாரம்: 2.84 ரிங்கிட்).
கிழக்கு மலேசியா (சபா, சரவாக், லாபுவான்): இப்பகுதிகளில் டீசல் விலையில் எந்த மாற்றமும் இன்றி லிட்டருக்கு 2.15 ரிங்கிட் என்ற நிலையிலேயே நீடிக்கிறது.
தகுதியுள்ள மலேசியக் குடிமக்களுக்கு வழங்கப்படும் BUDI 95 திட்டத்தின் கீழ், மானியத்திற்குரிய பெட்ரோல் RON 95 விலையில் எந்த மாற்றமும் செய்யப்படவில்லை. இது தொடர்ந்து லிட்டருக்கு 1.99 ரிங்கிட் என்ற விலையில் விற்பனை செய்யப்படும்.
உலகச் சந்தையில் கச்சா எண்ணெய் விலையில் ஏற்பட்டுள்ள ஏற்ற இறக்கங்களுக்கு ஏற்ப, தானியங்கி விலை நிர்ணய முறையை (APM) பின்பற்றி இந்த விலை மாற்றங்கள் செய்யப்பட்டுள்ளதாக நிதி அமைச்சகம் தெரிவித்துள்ளது. இருப்பினும், மக்களின் நலனைக் கருத்தில் கொண்டு அத்தியாவசிய எரிபொருட்களுக்கான மானியங்களைத் தொடர்ந்து வழங்கி வருவதாகவும் அமைச்சகம் சுட்டிக்காட்டியுள்ளது.
