கிஜால் சட்டமன்ற உறுப்பினர் ரசாலி இட்ரிஸ், திரெங்கானு பெர்சத்து கட்சியின் தலைவர் பதவியிலிருந்து தனது ராஜினாமாவை அறிவித்துள்ளார். இருப்பினும், கடந்த பத்தாண்டுகளாக அவர் வகித்து வந்த அப்பதவியிலிருந்து விலகுவதற்கான காரணத்தை அவர் வெளியிடவில்லை. தனது ராஜினாமா கடிதத்தை ஜூலை 16 அன்று கட்சித் தலைவர் முஹிடின் யாசினிடம் சமர்ப்பித்ததாக ரசாலி கூறியதாக உத்துசான் மலேசியா செய்தி வெளியிட்டுள்ளது.
முஹிடின் உட்பட கட்சியின் தலைமையகம், எனது ராஜினாமாவை ஏற்றுக்கொள்வதா அல்லது நிராகரிப்பதா என்பதை இன்னும் உறுதிப்படுத்தவோ அல்லது முடிவு செய்யவோ இல்லை என்று அவர் கூறியதாக மேற்கோள் காட்டப்பட்டுள்ளது.
மாநில செயற்குழு உறுப்பினரான ரசாலி, முதலில் கோட்ட அளவில் பல்வேறு கட்சிப் பணிகளை முடிப்பதற்காக, செப்டம்பர் மாத நடுப்பகுதியில் மராங் பெர்சத்து தலைவர் பதவியில் இருந்து விலகுவதாகவும் உறுதிப்படுத்தினார்.
நான் மாநிலத் தலைவர் மற்றும் வட்டாரத் தலைவர் பதவிகளில் இருந்து மட்டுமே ராஜினாமா செய்கிறேன். நான் ஒரு கட்சி உறுப்பினராகத் தொடர்வேன் என்றும் அவர் மேலும் கூறினார்.
மலாய் நாளிதழின்படி, தெலமாங் சட்டமன்ற உறுப்பினர் ஜவாவி இஸ்மாயில் மற்றும் ஹுலு பெசுட் சட்டமன்ற உறுப்பினர் ஹுசைமி ஹுசின் ஆகியோரும் முறையே திரங்கானு பெர்சத்துவின் தகவல் தலைவர் மற்றும் பொருளாளர் பதவிகளில் இருந்து தங்களது ராஜினாமாவை அறிவித்துள்ளனர். மாநில பெர்சத்துவின் துணைத் தலைவர் கசான் சே மாட் விரைவில் தனது பதவியில் இருந்து விலகுவார் என்றும் அது செய்தி வெளியிட்டுள்ளது.
ரசாலியின் அழைப்பின் பேரில் நான் 2016-ல் பெர்சத்துவில் சேர்ந்தேன். அவர் ராஜினாமா செய்தால், நான் தொடர்ந்து ஒரு கட்சிப் பதவியில் இருப்பதில் என்ன பயன்?” என்று அவர் கூறினார்.
