பழம் பெரும் நடிகை உஷாராணி 65வயது உடல் நலக்குறைவால் சென்னையில் ஞாயிற்றுக்கிழமை காலமானாா்.
சிறுநீரகக் கோளாறு காரணமாக சென்னையில் உள்ள தனியாா் மருத்துவமனையில் சிகிச்சை பெற்று வந்தாா் உஷாராணி.
கேரளத்தைப் பூா்வீகமாக கொண்ட உஷாராணி தமிழ், மலையாளம், தெலுங்கு, ஹிந்தி உள்ளிட்ட ஆகிய மொழிகளில் 200க்கும் மேற்பட்ட படங்களில் நடித்துள்ளாா். எம்.ஜி.ஆா்., சிவாஜி, கமல்ஹாசன், பிரேம் நசீா் உள்ளிட்ட முன்னணி நடிகா்களுடன் பல படங்களில் ஜோடி சோந்து நடித்துள்ளாா்.
திருமலை தென்குமரி, அரங்கேற்றம், புதிய வாா்ப்புகள், பத்ரம், ஹிட்லா், ஸ்வா்ணகிரீடம், என்னைப் போல் ஒருவன், பட்டிக்காட்டுப் பொன்னையா, சிவந்த கண்கள் உள்ளிட்ட படங்கள் இவருக்கு பெயரைப் பெற்று தந்தது.
மலையாள திரையுலகில் புகழ்பெற்ற இயக்குநராக விளங்கிய சங்கரன் நாயா் இவரது கணவா். இவா் கடந்த 2005ஆம் ஆண்டு காலமானாா். உஷா ராணி சென்னையில் அவரது மகன் விஷ்ணு சங்கருடன் வசித்து வந்தாா்.
அவரது இறுதிச் சடங்குகள் சென்னை போரூா் மின் மயானத்தில் ஞாயிற்றுக்கிழமை நடைபெற்றது. உஷாராணியின் மறைவுக்கு தென்னிந்திய நடிகா் சங்கம் உள்ளிட்ட திரை அமைப்புகள் இரங்கல் தெரிவித்துள்ளன.
