ஜகார்த்தா:
செவ்வாய்கிழமை (செப்டம்பர் 5) தொடங்கும் 43வது ஆசியான் சமிட் மற்றும் அது தொடர்பான மாநாடுகளில் கலந்து கொள்வதற்காக பிரதமர் டத்தோஸ்ரீ அன்வார் இப்ராகிம் இந்தோனேசியாவின் தலைநகர் வந்தடைந்தார்.
பிரதமர் மற்றும் அவரது மனைவி டத்தோஸ்ரீ டாக்டர் வான் அசிசா வான் இஸ்மாயில் ஆகியோரை ஏற்றிச் சென்ற விமானம், மலேசிய நேரப்படி திங்கள்கிழமை (செப்டம்பர் 4) மாலை 4.28 மணிக்கு உள்ளூர் நேரப்படி பிற்பகல் 3.28 மணிக்கு சோகர்னோ ஹட்டா சர்வதேச விமான நிலையத்தில் தரையிறங்கியது.
பிரதமரை இந்தோனேசியாவின் தகவல் தொடர்பு மற்றும் தகவல் அமைச்சர் புடி ஆரி செட்டியாடி, மலேசிய வெளியுறவு அமைச்சர் டத்தோஸ்ரீ டாக்டர் சம்பரி அப்துல் காதிர் மற்றும் இந்தோனேசியாவுக்கான மலேசியத் தூதர் டத்தோ சையத் எம்டி ஹஸ்ரின் தெங்கு ஹுசின் ஆகியோர் வரவேற்றனர்.
நம் பிரதமர் 43வது ஆசியான் சமிட் மற்றும் தொடர்புடைய மாநாடுகளுக்கு மலேசிய தூதுக்குழுவிற்கு தலைமை தாங்குகிறார், இது செப்டம்பர் 5-7 வரை, லாபுவான் பாஜோவில் நடந்த 42வது ஆசியான் மாநாட்டிற்குப் பிறகு அவரது இரண்டாவது சமிட் மாநாடு ஆகும்.
ஆஸ்திரேலியா, சீனா, ஜப்பான், இந்தியா, தென் கொரியா, அமெரிக்கா மற்றும் கனடா ஆகிய ஏழு ஆசியான் உரையாடல் கூட்டாளர்களுடன் இது அவரது முதல் மாநாடு ஆகும்.
மாநாட்டின் போது, தென் கொரிய ஜனாதிபதி யூன் சுக் யோல் உட்பட 11 இருதரப்பு சந்திப்புகள் திட்டமிடப்பட்டுள்ளன.
