ஈப்போ:
பண்டார் ஸ்ரீ பொடானியில் உள்ள ஒரு பள்ளியில் நேற்று சனிக்கிழமை (அக். 14) காவலாளி ஒருவர் கொலை செய்யப்பட்டுக்கிடக்க கண்டெடுக்கப்பட்டார்.
நேற்று அதிகாலையில் நடந்த சம்பவத்தில் பலியான 43 வயது நபர், பள்ளிச் சுவரில் சாய்ந்த நிலையில் சுயநினைவின்றி காணப்பட்டதாக ஈப்போ மாவட்ட காவல்துறை தலைவர் துணை ஆணையர் யஹாயா ஹாசன் தெரிவித்தார்.
“ராஜா பெர்மைசூரி பைனுன் மருத்துவமனையிலிருந்து வந்த ஆம்புலன்ஸ் பணியாளர்கள் அவர் இறந்துவிட்டதை உறுதிப்படுத்தினர்.
“இந்தக் கொலையுடன் தொடர்புடையதாக நம்பப்படும் பள்ளியில் 55 வயதான தோட்டக்காரரை போலீசார் கைது செய்துள்ளனர், மேலும் குற்றத்தைச் செய்ய பயன்படுத்திய ஆயுதத்தையும் அவர்கள் கைப்பற்றியுள்ளனர்,” என்று அவர் இன்று வெளியிட்டுள்ள ஒரு அறிக்கையில் தெரிவித்தார்.
பள்ளியின் நிகழ்ச்சிக்கான தயாரிப்புகளில் கொலையுண்டவர் உதவ மறுத்ததே கொலைக்கான நோக்கம் என்று நம்பப்படுகிறது.
மேலும் பிரேதப் பரிசோதனையில், அடிவயிற்றில் ஏற்பட்ட ஆழமான காயங்களால் பாதிக்கப்பட்டவர் உயிரிழந்தார் என்று தெரியவந்துள்ளது என்று யாஹாயா கூறினார்.
குற்றவியல் சட்டத்தின் 302வது பிரிவின் கீழ் இந்த வழக்கு வகைப்படுத்தப்பட்டுள்ளதாகவும், சந்தேகநபர் இன்று (அக்டோபர் 15) விளக்கமறியலில் வைக்க கோரி மாஜிஸ்திரேட் நீதிமன்றத்தில் ஆஜர்படுத்தப்படுவார் என்றும் அவர் கூறினார்.
