கோடியாங்:
கெடா, கம்போங் பிடா லாமாவில் உள்ள ஒரு கடை வீட்டில் உலோகம் வெட்டும் இயந்திரம் வெட்டியதன் விளைவாக கழுத்தில் காயங்களுடன் ஒருவர் இறந்து கிடக்க க்கப்பட்டார்.
முஹமட் ஹபிஸாத் இப்ராஹிம், 25, என்ற இளைஞரே பலத்த காயம் காரணமாக சம்பவ இடத்திலேயே உயிரிழந்தார் என்று, குபாங் பாசு மாவட்ட காவல்துறைத் தலைவர், கண்காணிப்பாளர் ரோட்ஸி அபு ஹாசன் கூறினார்.
கோடியாங் காவல் நிலையத்திற்கு அந்த நபரின் மரணம் குறித்து புகார்தாரரிடமிருந்து மாலை 5.30 மணிக்கு அழைப்பு வந்தது என்றும் , அதைத் தொடர்ந்து, மாலை 5.55 மணியளவில், குற்றப் புலனாய்வுப் பிரிவின் உறுப்பினர்கள் குழு சிறிது நேரத்திற்குப் பிறகு அந்த இடத்திற்கு வந்தனர் என்றும் கூறிய அவர், “விசாரணையின் முடிவில், மின்சார இயந்திரத்தின் வெட்டும் விளிம்பிற்கு அருகில் பாதிக்கப்பட்டவர் தரையில் இறந்து கிடந்தது கண்டுபிடிக்கப்பட்டது.
“சம்பவத்தின் போது, பாதிக்கப்பட்டவர் தனது இரண்டு இளைய சகோதரர்களுடன் வீட்டில் இருந்தார்.
மேலும் அவரது 14 வயது உடன்பிறப்புகளில் ஒருவர், அவரது மூத்த சகோதரர் மயக்கமடைந்த நிலையில் உலோகம் வெட்டு இயந்திரத்தின் அருகே கழுத்தில் காயத்துடன் கிடந்ததைக் கண்டார்” என்றும் ரோட்ஸி கூறினார்.
முதற்கட்ட விசாரணையின் விளைவாக, இச்சம்பவத்தில் குற்றவியல் கூறு எதுவும் இல்லை என்பதையும், கழுத்தில் காயம் மட்டுமே இருப்பதாகவும், இது மின்சார உலோகம் வெட்டு கத்தியால் தாக்கப்பட்டதன் காரணமாக இருக்கலாம் என்றும் நம்பப்படுகிறது. அத்தோடு உடலைப் பரிசோதித்ததில் போராட்டத்தின் அறிகுறியோ, விபத்து நடந்ததற்கான அறிகுறியோ, தற்கொலைக்கு முயன்றதற்கான அறிகுறியோ காணப்படவில்லை,” என்றார்.
பாதிக்கப்பட்டவரின் உடல் பின்னர் பிரேத பரிசோதனைக்காக அலோர் ஸ்டாரில் உள்ள சுல்தானா பஹியா மருத்துவமனைக்கு அனுப்பப்பட்டது, மேலும் இந்த வழக்கு திடீர் மரணம் என வகைப்படுத்தப்பட்டது என்றும் ரோட்ஸி கூறினார்.
