கோத்த கினபாலுவில் உள்ள பூங்காவில் இன்று காலை நடைபயிற்சி செய்து கொண்டிருந்தபோது நீர்நாய் தாக்கியதில் இரண்டு பெண்கள் மற்றும் ஒரு ஆண் காயமடைந்தனர். பாதிக்கப்பட்டவர்கள் – 40, 54 மற்றும் 56 வயதுடையவர்கள் – காலை 6.40 மணிக்கு நடைபெற்ற செய்து கொண்டிருந்த போது, திடீரென பின்னால் இருந்து நீர்நாய்களின் சப்தத்தால் பயந்து ஓடியதாக அவர்கள் தெரிவித்ததாக கோத்த கினபாலு காவல்துறைத் தலைவர் காசிம் மூடா கூறினார்.
இந்த தாக்குதலில் பாதிக்கப்பட்ட மூவருக்கும் கால்கள், கைகள் மற்றும் தலைகளில் கடி மற்றும் கீறல்களால் காயங்கள் ஏற்பட்டுள்ளதாக அவர் ஒரு அறிக்கையில் தெரிவித்தார். சம்பவம் தீவிரமானது என்றாலும் காவல்துறைக்கு இன்னும் அதிகாரப்பூர்வ புகார் எதுவும் வரவில்லை.
தாக்குதலைத் தொடர்ந்து, பொதுப் பாதுகாப்பை உறுதி செய்வதற்கும் முழுமையான விசாரணைக்கு அனுமதிப்பதற்கும் கோத்த கினபாலு மாநகர மன்றம் (DBKK) பூங்காவை உடனடியாக மூடுவதற்கான அறிவிப்பை வெளியிட்டதாக மேயர் சபின் சமிதா அறிவித்தார்.
DBKK இந்த சம்பவம் தீவிரமாக கருதப்படுகிறது. மேலும் அசம்பாவிதங்கள் நடைபெறாமல் தடுக்கவும், பார்வையாளர்கள் அனைவரின் பாதுகாப்பை உறுதி செய்யவும் பூங்காவை மூடுவது அவசியமான நடவடிக்கையாகும் என்று சபின் கூறினார்.
