நினைத்தது நிறைவேற தீபம்

சாதாரணமாக பலரும் பலவிதமான எண்ணெய்களை பயன்படுத்தி தீபம் ஏற்றும் வழக்கத்தை வைத்திருப்பார்கள். ஒவ்வொரு எண்ணெய்க்கும் ஒவ்வொரு விதமான பலன்கள் கிடைக்கும். அந்த வகையில் நம்முடைய கர்ம வினைகள் தீருவதற்காக பயன்படுத்தக்கூடிய எண்ணையாக தான் நல்லெண்ணெய் திகழ்கிறது. இந்த நல்லெண்ணெயுடன் சந்தனாதி தைலம் என்று கூறக்கூடிய தைலத்தையும் சேர்த்து நாம் தீபம் ஏற்ற அந்த தீபத்திலிருந்து வரக்கூடிய மணமானது நேர்மறை ஆற்றலை அதிகரித்து நம்முடைய வேண்டுதலை இறைவனிடம் கொண்டு சேர்க்கும். அதன் மூலம் நம்முடைய வேண்டுதல் விரைவிலேயே நிறைவேறும்.

இதற்காக ஒரே ஒரு அகல் விளக்கை எடுத்துக் கொள்ளுங்கள். அந்த அகல் விளக்கில் தேவையான அளவு நல்லெண்ணையை ஊற்றி அதனுடன் ஒரே ஒரு ஸ்பூன் அளவிற்கு சந்தனாதி தைலத்தையும் ஊற்றி பஞ்சு திரி போட்டு தீபம் ஏற்ற வேண்டும். இந்த தீப சுடரொளியை பார்த்தவாறு உங்களுடைய வேண்டுதலை முன்வைக்க வேண்டும். இந்த தீபமானது மற்ற தீபங்கள் எரியும் நேரம் அளவு எரிந்தால் போதும். ஒவ்வொரு வேண்டுதலுக்கும் அந்த வேண்டுதலுக்குரிய கிரகத்திற்குரிய நாளில் நாம் இந்த தீபத்தை ஏற்ற வேண்டும். தினமும் இந்த தீபத்தை ஏற்றலாம். அப்படி ஏற்றும் பட்சத்தில் தினமும் இந்த அகல் விளக்கை சுத்தம் செய்து புதிதாக என்னை திரி போட்டு தீபம் ஏற்ற வேண்டும் என்பது குறிப்பிடத்தக்கது.