கோலாலம்பூர்:
நாட்டின் மூன்று மாநிலங்களில் வெள்ளத்தால் பாதிக்கப்பட்டவர்களின் எண்ணிக்கை நேற்று மாலை 20 நிவாரண மையங்களில் 3,681 பேர் தங்க வைக்கப்பட்டிருந்த நிலையில், நேற்றிரவு அந்த எண்ணிக்கை 1,675 பேராக குறைந்துள்ளது.
நேற்று மாலை கிளந்தானில் 16 நிவாரண மையங்களில் 3,593 பேர் தங்கியிருந்த நிலையில், அந்த எண்ணிக்கை நேற்றிரவு 12 நிவாரண மையங்களில் 1,587 பேராகக் குறைந்துள்ளது என்று தேசிய பேரிடர் மேலாண்மை நிறுவனம் (NADMA) வழங்கிய சமீபத்திய அறிக்கையில் தெரிவிக்கப்பட்டுள்ளது.
பகாங்கில், 34 நபர்கள், மாரான் மாவட்டத்தில் உள்ள இரண்டு நிவாரண மையங்களில் தஞ்சம் புகுந்துள்ளனர், அதே சமயம் கேமரன் மலைப்பகுதியில் நிலச்சரிவில் பாதிக்கப்பட்ட 87 பேர் மாவட்டத்தில் உள்ள நிவாரண மையத்தில் தொடர்ந்து தஞ்சம் புகுந்துள்ளனர்.
ஜோகூரில் வெள்ளத்தால் பாதிக்கப்பட்டவர்களின் எண்ணிக்கை மாறாமல் உள்ளது, நேற்றிரவு சிகாமாட் மாவட்டத்தில் உள்ள இரண்டு நிவாரண மையங்களில் 54 நபர்கள் தங்க வைக்கப்பட்டுள்ளனர்.
இதேவேளை, நீர்ப்பாசன வடிகாலமைப்பு திணைக்களத்தினால் மேற்கொள்ளப்பட்ட ஆய்வில், நான்கு ஆறுகள் ஆபத்தான மட்டத்தில் இருப்பது கண்டறியப்பட்டுள்ளது.
ஜோகூர் பாருவில் உள்ள சுங்கை பூலாய், ஜோகூர், 4.41 மீட்டர் அளவில் பதிவு செய்யப்பட்டது; பாசீர் மாஸில் உள்ள சுங்கை கோலோக், கிளந்தான் 9.47 மீ. அளவிலும்; பேராக்கின் உலு பேராக்கில் உள்ள சுங்கை பேராக் 111.9 மீ. அளவிலும்; மற்றும் சுங்கை ஆராவ், பெர்லிஸ் 23.79 மீ. அளவிலும் பதிவாகியுள்ளது.
மேலும், வெள்ளம், பாலம் சேதம் மற்றும் நிலச்சரிவு காரணமாக மொத்தம் 35 சாலைகள் மூடப்பட்டுள்ளதாக அறிக்கை சுட்டிக்காட்டுகிறது.
