பெட்டாலிங் ஜெயா:
இந்தோனேசியர் என்று நம்பப்படும் பெண் ஒருவர், இன்று காலை, டேசா மெந்தாரி, பிளாக் 5 இன் ஐந்தாவது மாடியில் உள்ள மின்தூக்கி அருகேயுள்ள படிக்கட்டுகளில் உடலில் காயங்களுடன் இறந்து கிடக்க கண்டெடுக்கப்பட்டார்.
இந்த சம்பவம் தொடர்பாக இன்று காலை 6.30 மணியளவில் தனது தரப்பில் அறிக்கை கிடைத்ததாக பெட்டாலிங் ஜெயா மாவட்ட காவல்துறைத் தலைவர், துணை ஆணையர் முகமட் ஃபக்ருதீன் அப்துல் ஹமீட் தெரிவித்தார்.
உடனே அந்த இடத்திற்கு வந்தபோது, டேசா மெந்தாரிகுடியிருப்பின் பிளாக் 5-ன் மின்தூக்கி அருகேயுள்ளபடிக்கட்டுகளில் 20 வயதுக்கு மேற்பட்ட பெண் ஒருவர் இரத்த வெள்ளத்தில் கிடப்பதை போலீசார் கண்டனர்.
பாதிக்கப்பட்டவருக்கு எவ்வாறு காயங்கள் ஏற்பட்டன என்று இன்னும் கண்டறிய முடியவில்லை, மேலும் சிலாங்கூர் காவல் படைத் தலைமையகத்தின் (IPK) தடயவியல் குழுவின் விசாரணைக்காக போலீசார் காத்திருப்பதாக அவர் மேலும் கூறினார்.
“இதுவரை, சந்தேக நபர் அடையாளம் காணப்படவில்லை, மேலும் சம்பவத்தை நேரில் பார்த்த எவரும் விசாரணைக்கு உதவ அருகிலுள்ள காவல் நிலையத்திற்கு முன்வருமாறு கேட்டுக்கொள்கிறோம்.
“இந்த சம்பவத்தில் தொடர்புடைய சந்தேக நபரைக் கண்டுபிடிப்பதற்கான ஆதாரங்களையும் நாங்கள் பதிவு செய்வோம்,” என்று அவர் கூறினார்.
