பெட்டாலிங் ஜெயா,
முன்னாள் பிரதமர் இஸ்மாயில் சப்ரி யாகோப் மற்றும் அவரது முன்னாள் அரசியல் செயலாளர் அனுவார் யூனுஸ் ஆகியோருடன் தொடர்புடைய RM169 மில்லியன் ரொக்கம் பறிமுதல் செய்யப்பட்டது சட்டப்படி நடைபெற்றது என மலேசிய சட்டத்துறை (AGC) இன்று தெரிவித்தது.
AGC ஒரு அறிக்கையில், சொத்து பறிமுதல் நடவடிக்கைகள் மற்றும் குற்றவியல் குற்றச்சாட்டுகள் என்பது இரு தனித்தனி சட்ட செயல்முறைகள் என வலியுறுத்தியது.
அது மேலும், MACC பிப்ரவரியில் பறிமுதல் செய்த பணம் தொடர்பான முழு விசாரணை அறிக்கையை தற்போது ஆய்வு செய்து வருவதாகவும், குற்றவியல் நடவடிக்கை எடுக்க வேண்டுமா என்பதை பின்னர் தீர்மானிக்கப்படும் எனவும் தெரிவித்துள்ளது.
“விசாரணை அறிக்கையை ஆய்வு செய்த பின், தேவையான ஆதாரங்கள் மற்றும் குற்றம் நிரூபிக்க வேண்டிய கூறுகள் பரிசீலிக்கப்படும். இறுதி முடிவு வெளிப்படையாகவும், சட்டப்படி தன்னிச்சையாகவும் எடுக்கப்படும்,” என்று AGC தெரிவித்தது.
MACC, ஜூலை 7 அன்று, MACC சட்டம் 2009 (பிரிவு 41(1)) கீழ் பறிமுதல் மனுவை தாக்கல் செய்தது. அனுவார் வைத்திருந்த அந்தப் பணம் இஸ்மாயிலுக்குச் சொந்தமானது என்றும், அது பிரிவு 36(2) இன் கீழ் குற்றச்செயலுடன் தொடர்புடையது என்றும் MACC உறுதிப்படுத்தியிருந்தது.
செப்டம்பர் 9 அன்று, MACC தலைவர் அசாம் பாக்கி, இஸ்மாயில் வழக்கை எதிர்க்கவில்லை என்பதால், அந்த ரொக்கம் இப்போது அரசாங்கத்தின் சொத்தாகிவிட்டது என்று உறுதி செய்தார்.
