லஹாட் டத்து, செப்டம்பர் 19 :
இங்கு அருகே உள்ள தாபின் வனவிலங்கு பூங்காவில், நேற்று சேற்று (சகதி) எரிமலை வெடித்தது.
இந்தக் காணொளி சமூக ஊடகங்களில் அதிகம் பகிரப்பட்டதை தொடர்ந்து வைரலானது.
Tabin Wildlife Holidays பொது மேலாளர் லாரன்ஸ் சின் கூறுகையில், நேற்று நடந்த சம்பவத்தை சுற்றுலா பயணிகள் மற்றும் சுற்றுலா வழிகாட்டிகள் உட்பட சுமார் எட்டு நபர்கள் நேரில் பார்த்துள்ளனர்.
“சுற்றுலா வழிகாட்டிகளும், சுற்றுலாப் பயணிகளும் பறவைகளைப் பார்ப்பதற்காகவும், சுற்றுப்புறப் பகுதியைச் சுற்றிப் பார்க்கவும் சென்று கொண்டிருந்தனர், திடீரென்று ஒரு பெரிய வெடிப்பு ஏற்பட்டது மற்றும் அங்கு குமிழ்கள் வெளியேறின என்றும் அந்தச் சம்பவம் சுமார் 10 நிமிடங்கள் நீடித்தது,” என்றும் அவர் கூறினார்.
நேற்று, பல ஃபேஸ்புக் பக்கங்கள் சேற்று எரிமலை வெடித்துச் சிதறிய வீடியோவை இணையவாசிகளின் கவனத்தை ஈர்த்தது.
எரிமலை வெடிப்பினால் உமிழும் சேறு பாதுகாப்பானது என்றும் சூடாக இருக்கவில்லை என்றும் லாரன்ஸ் கூறினார்.
சுற்றுலா வழிகாட்டியான ஹமித் சுபன், 43, கூறுகையில் காலை 10 மணியளவில், சில வெளிநாட்டு சுற்றுலாப் பயணிகளை தாபின் காட்டுப் பகுதியில் சுற்றுலாவிற்கு அழைத்துச் சென்றபோது, சம்பவத்தை நேரில் பார்த்ததாகவும், இந்த சேற்று வெடிப்பை தான் முதன்முறையாக பார்த்ததாக அவர் கூறினார்.
இதற்கிடையில், Tabin Wildlife Resort ஐச் சேர்ந்த சுற்றுலா வழிகாட்டியும், 23 ஆண்டுகளாக இப்பகுதியில் பணிபுரிபவருமான அம்ராபில்மாராங், 42, கூறுகையில், சம்பந்தப்பட்ட சேற்றில் கனிம வளங்கள் அதிகம் இருப்பதால் அது விலங்குகளை அந்த இடத்திற்கு ஈர்க்கிறது என்றார்.
“இந்த சேற்று வெடிப்பு முதல் முறை அல்ல, இது 2014 மற்றும் 2019 இல் நடந்தது, இந்த முறை மட்டுமே இது முன்பு போல் இல்லாமல் பதிவு செய்யப்பட்டது,” என்று அவர் கூறினார்.
